TIRANË- Kreu i Partisë Demokratike, Lulzim Basha ka vizituar familjen e 25-vjeçarit, Klodjan Rasha i cili u vra në orët e para të mëngjesit të së martës nga polici.
Basha ishte i shoqëruar nga ish- deputeti i PD-së, Enkelejd Alibeaj me këtë të fundit që hodhi akuza ndaj policisë së Shtetit.
Më herët Alibeaj e quajti një veprim të tillë akt kriminel sipas së cilit "Asgjë nuk ka ndryshuar në radhët e policisë në 30 vite në mënyrën e përgjigjes së efektivëve ndaj qytetarëve".
Kreu i PD-së, Lulzim Basha dhe ish- deputeti, Enkelejd Alibeaj
Klodjan Rasha u vra në orët e para të mëngjesit të së martës rreth orës 01:45, atëherë kur në fuqi ishte ora policore, në rrugën “Dritan Hoxha”. Referuar njoftimit zyrtar, Rasha kishte shkelur orën policore dhe nuk iu bind urdhrit të policisë duke u larguar me vrap. Për pasojë patrulla e Përgjithshme që ishte me 2 efektiv kërkoi përforcime, dhe në ikje e sipër Rasha u përball me policin N.H, i cili në kushtet kur nuk e prangoi dot e qëlloi duke e lënë të vdekur.
Komente
Dhimbje e madhe
PërgjigjuPo
Përgjigju