Detaje të reja kanë dalë në dritë në lidhje me vrasjen e 43-vjeçarit shqiptar Vladimir Topjana mbrëmjen e së dielës në Fontanafredda në Italisë. Në pranga ranë babë e bir Pren dhe Rogert Shota, 67 dhe 34-vjeç. Ndaj Topjanës qëlloi 34-vjeçari, dhe dyshohet se shkak është bërë një konflikt pronësie në Shqipëri.
Mediat italiane raportojnë se në debat e sipër, 43-vjeçari i ka kafshuar veshin 67-vjeçarit. Më pas debati ka degjeneruar në përdorimin e armës, ku Vladimir Topjana mori dy plumba. Babë e bir më pas u larguan me shpejtësi me një makinë të bardhë, me të cilin kishin mbërritur para lokalit ku ndodhej Topjana.
I ati u kthye në shtëpi, ndërsa 34-vjeçari u ndalua në Veneto, duke kërkuar ndihmë nga punëdhënësi i tij. Ai kishte me vete armën, e cila u gjet e vjedhur nga një shtëpi në Ravenna gushtin e kaluar. Babë e bir janë lënë në burg dhe ndaj tyre rëndon akuza e bashkëpunimit në vrasje me paramendim.
Hetimet janë bazuar në një motiv ekonomik që lidhet me një marrëveshje biznesi në Shqipëri, por nuk përjashtohet mundësia që të jetë e lidhur edhe me fusha të tjera, përfshirë ato kriminale. Arma, makina dhe rrobat e të përfshirëve janë sekuestruar për hetim. Ndërkohë, hetuesit kanë gjetur mëngjesin e sotëm edhe plumbin e dytë, që kishte mbetur mes hekurave të dritares së lokalit aty pranë ku ndodhi ngjarja.
Një dëshmitar nga lokali aty pranë foli për një debat dhe më pas të shtënat me armë.
"Pashë dy persona duke debatuar me njërin prej tyre, hyra brenda për të kërkuar ndihmë sepse ishte një ndeshje e Juventusit. Kam dëgjuar të shtënat rreth orës 21:15, dy të shtëna”, u shpreh dëshimtari.
Lajmi kryesor:
Vrasja e Vladimir Topjanës në Itali, shkak dyshohet një konflikt pronësie! Zbardhet dinamika: 43-vjeçari i kafshoi veshin babait të autorit! Arma rezulton e vjedhur
Xh.D/SI.E./ReportTv.al
