Report Tv ka zbardhur edhe dëshminë që ka dhënë për autoritetet hetimore, A.Metani, djali i Zhaneta Metanit, i cili ishte dëshmitar në vendngjarje mëngjesin e 31 dhjetorit.
Ai thotë se mamaja fillimisht i kishte thënë që Përparimi Ademi ishte babai i tij por më vonë e kishte kuptuar që kjo nuk ishte e vërtetë. Babanë nuk e kishte njohur kurrë.
Djali tregon se gjithnjë kishte sherr mes Përparimit dhe mamasë së tij, për shkak të një lidhjeje që mami kishte me atë personin tjetër që djali tregon se nuk e njeh. Ai konfirmon edhe debatin e datës 25 dhjetor kur nëna e tij dhe tezja i kanë thënë Përparimit që do të ndërprisnin çdo marrëdhënie me të.
Djali ka rrëfyer gjithashtu se në datë 30 mamaja e tij i kishte rrëfyer se ishte dhunuar nga Përparimi në një zonë në Kërrabë dhe ishte kërcënuar me armë. Përparimi e kishte detyruar të ulej në gjunjë dhe kishte qëlluar rreth saj duke e tmerruar dhe duke e detyruar të lidhej prapë me të.
Ai ka treguar edhe detaje nga vrasje, për të cilat rrëfen se vrasësi Ademi u fut në shtëpi duke përdorur si karrem një djalë me emrin Kastriot dhe më pas qëllua me automatik mbi dy motrat. Djali tregon se u mbyll në dhomën e tij duke ulëritur dhe duke i bërë thirrje tezes tjetër që të mos dilte nga dhoma.
Një tjetër detaj i rëndësishëm është fakti që djali ka treguar se donte të njoftonte policinë por nuk është lënë nga tezja e tij.
Lajmi kryesor:
Report Tv zbardh dëshmitë tronditëse/ Përparim Ademi përdorte dy motrat për prostitucion e trafik fëmijësh? 10 fëmijë me to i ka shitur në Greqi?!
K.T.//ReportTv.al