TIRANE-Operacioni Forca e Ligjit u ka dërguar formularin për justifikimin e pasurisë 5 të dënuarve në Gjirokastër. Emri i parë në listë është Krenar Skënduli banues në Gjirokastër, i dënuar për prodhim dhe shitje kanabisi. Ai u arrestua në 2014 së bashku me 30 persona të tjerë për kultivim kanabisi në Lazarat. I dyti në listë është Gentian Sinomema i dënuar për pengmarrje. Emri i radhës është Adriatik Kanushi, i dënuar me 11 vite burg për një grabitje të kryer me armë në vitin 1999 të tre personave nga Përmeti, që u mori një shumë parash.
Gjithashtu OFL-ja i ka dërguar kërkesën për justifikimin e pasurisë Endrit Llukës i dënuar për vrasje dhe armëmbajtje. Ai u arrestua në 12 dhjetor të vitit të kaluar, i dënuar me 35 vjet burg. Endrit Lluka është autor i një krimi të ndodhur në 22 mars të 2016 në kthesën e fshatit "Andon Poçi" në aksin rrugor Gjirokastër-Tepelenë në afërsi të fshatit Shtëpëz, ku i vrarë mbeti Dorian Lluka, 29-vjeç dhe u plagos Birbil Lluka, 31 vjeç, banues në Gjirokastër, kushërinj të të arrestuarit, nipërit e bashkëshortes së ish-kryekomunarit të Lazaratit, Dasho Aliko.
Adriatik Kanushi
Konflikti nisi në lokalin e Dasho Alikos ish krye-komunarit të Lazaratit që ndodhet rrugën nacionale në Gjirokastër. Dy vëllezërit Dorian dhe Birbil Lluka bashkë me dy persona të tjerë rrahën në ambientet e jashtme të lokalit Endrit Llukën. Pas konfliktit dy vëllezërit u larguan me makinën e tyre. Më pas Endrit Lluka i mori pistoletën shokut të tij Emiljano Vockës dhe i ndoqi nga pas me makinë, kushërinjtë e tij dhe qëlloi ndaj tyre.
Dyshohet se konflikti mes kushërinjve ndodhi për motive pronësie dhe për një borxh mes tyre. I dënuari i fundit, të cilit sot OFL-ja i nisi formularin është Ervis Canka banues në Përmet, i dënuar për droge. Ai u arrestua në 9 mars 2016, me heroinë dhe kanabis në tentativë për ta trafikuar në Greqi, ndërsa u tha doganierëve “Jam oficer i SHISH-it”. Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
Komente
Iku ajo kohe kur leku behej kollaj, tani policia te shqep by thët, nuk ka më të fortë! Tani jetoni te lirë se do kalbeni burgjeve!
Përgjigju