MAQEDONI E VERIUT- Një vrasje me armë zjarri ka ndodhur mbrëmjen e djeshme në Shkup të Maqedonisë së Veriut. Siç bëhet me dije nga mediat maqedonase ka mbetur i vrarë blogeri dhe reperi i njohur shqiptar Amar Ismani.
Ndërkohë kanë mbetur të plagosur 3 persona të tjerë. Ngjarja ka ndodhur në vendin e quajtur si ‘Rruga e Plastikave’.
Lajmin për vdekjen e artistit e ka konfirmuar edhe vëllai i tij, Edin Ismani.
“Të Allahut jemi dhe tek ai do kthehemiMe zemër të thyer e të pikëlluar ju njoftoj se ka ndëruar jetë djali/vëllau jonë Amar Ismani. Ceremonia e varrimit do të bëhet sot me namazin e Iqindis në xhamin e Cairit, dhe pastaj te varezat në Butel”, ka shkruar vëllai i të ndjerit në Facebook.
Ende nuk dihen rrethanat e vrasjes apo dinamika e ngjarjes, megjithatë priten detaje të reja nga Ministria e Brendshme gjatë ditës së sotme.
Komente
