Operacioni Forca e Ligjit u ka dërguar kërkesat me shkrim për vetëdeklarimin e pasurisë, 4 të dënuarve.
Konkretisht iu është kërkuar deklarimi i burimeve të pasurisë, të dënuarve:
Nderim Markola, banues në Tiranë, i dënuar për veprën penale “Vrasja në rrethana të tjera cilësuese”; Ky person është shpallur fajtor për vrasjen e të miturës Xhemile Laçi dhe tentativës për vrasje të Halil Laçit dhe Xharie Laçi.
Durim Dervishi, banues në Tiranë, i dënuar për veprën penale “Shtrëngimi me anë të kanosjes ose dhunës për dhënien e pasurisë”;
Kliton Nanushi, banues në Tiranë, i dënuar për veprën penale “Trafikimi i personave të rritur”;
Ergys Mëcuku, banues në Tiranë, i dënuar për veprën penale “Prodhimi dhe shitja e narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
