Vrasjet e fundit që janë regjistruar në qytetin e Elbasanit kanë vënë në lëvizje strukturat e rendit. Mësohet se Shefi i hetimit në drejtorinë e policisë së Elbasanit, Gjon Gecaj është liruar nga ky pozicion, duke u emëruar në një pozicion tjetër në sallën operative të drejtorisë së policisë Lezhë.
Në vend të tij është emëruar Krenar Guçe. Ky i fundit ka qenë më parë shef i sektorit të anti-drogës në drejtorinë e Policisë Tiranë dhe së fundmi oficer në sektorin e Krimeve të Rënda.
Tre vrasjet që tronditën Elbasanin në harkun e pak ditëve.
Më 21 prill, gjatë fushatës elektorale, u vra Pjerin Xhuvani, i cili u qëllua me armë nga Arbër Paplekaj, shoqëruesi i kreut të listës së Partisë Demorkatike, Gazmend Bardhi dhe pjesë e skuadrës së PD-së për mbrojtjen e votës.Të plagosur mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota ( punonjëse e policisë). Paplekaj pranoi krimin dhe u vetëdorëzua në Repartin e Forcave RENEA në Tiranë.
Më 6 majë u vra nga bashkëshorti i saj Liljana Buzo. 54-vjeçarja u ekzekutua sapo doli nga dera e gjykatës, pasi kishte mbaruar seancën për procesin e divorcit. Bashkëshorti i saj Koço Buzo e goditi fillimisht me thikë dhe më pas e qëlloi 7 herë me kallashnikov pas shpine, duke e lënë të vdekur në vend.
Vetëm dy ditë më parë u ekzekutua në një atentat mafioz Everest Çaka, në sy të gruas, ndërsa kjo e fundit mori një plumb në dorë. Pista kryesore e ekzekutimit lidhet me serinë e vrasjes së kushëririt të tij në Belgjikë, Arjan Spahiut. Ndërkohë që një tjetër pistë hetimi është edhe larja e hesapeve mes bandave dhe prishje e pazarit të drogës.
Komente
Krenari oficeri mo i pregatit qe ka policia shqiptare
PërgjigjuConi mond kosenin në elbason... dhe I bo tango dhe langot e Eelbasoni te shofin onderra me sy hap...
Përgjigju