TIRANE-Gjykata e Tiranës ka lënë në burg Isuf Hasën, autorin e vrasjës së 81 vjeçarit Xhemal Metës, më 13 janar 2025 në fshatin Shëngjin i Vogël, Tiranë.
Siç informon gazetarja e Report Tv dhe Shqiptarja.com, Keti Banushi, autori ka deklaruar para gjykatës se e ka bërë krimin dhe nuk ka çfarë shton më shumë, duke mos dhënë asnjë arsye.
Prokurori Albert Demerneli i kërkoi gjykatës që autori të qëndrojë në masën e sigurisë “arrest në burg” për akuzën “vrasje me paramendim”, kërkesë që u pranua nga togat e zeza.
Hasa i cili u arrestua më 15 janar 2025, deklaroi para oficerëve gjyqësor se kishte shkuar në shtëpinë e Xhemal Metës, kishin pirë kafe dhe aty kishin debatuar.
Sipas pretendimeve të Hasës, viktima përveçse e bullizonte dhe ofendonte, gjithashtu i kishte ngacmuar edhe gruan. Më tej autori tha se pasi e vrau fillimisht i mori lekët viktimës dhe më pas shkoi te shtëpia e vajzës në Vorë.
Xhemal Meta, u gjet i pajetë pranë shtëpisë së tij. Siç u raportua dhe në Report Tv, viktima kishte dalë nga shtëpia për në kafen e fshatit.
Prej vitesh viktima jetonte i vetëm në Shëngjin të Vogël, pjesë e njësisë administrative Zall-Bastar, ndërsa familjarët jetojnë në Tiranë, përfshirë edhe bashkëshorten.
Komente
