TIRANË- Pas 6 vitesh arrati, 52-vjeçari Agron Tufa iu është dorëzuar autoriteteve shqiptare për të vuajtuar dënimin me 30 vite burg për vrasjen e Kejsi Hysës në vitin 2018. Agron Tufa u arrestua në Itali në janar 2024, ndërsa sot u ekstradua nga autoritetet italiane në vendin tonë.
Ngjarja e rëndë e ndodhur në korrik të 2018 në Nikël të Krujës tronditi opinionin. Agron Tufa së bashku me Hysni Ramën vranë me armë zjarri 34-vjeçarin Kejsi Hysa dhe më pas i dogjën trupin e tij. Disa ditë më pas trupi i 34 vjeçarit u gjet i groposur në një parcelë buzë lumit në Nikël.
Në vitin 2021, Gjykata e Krujës e kishte dënuar Tufën me 30 vjet burgim, për vrasje me dashje të kryer në bashkëpunim dhe për armëmbajtje pa leje.
Vrasja e Hysës ndodhi më 5 korrik 2018 brenda një parcele të mbjellë me hashash, ndërsa trupi i pajetë i të riut u gjet disa ditë më vonë. Atëherë policia arrestoi Hysni Ramën ndërsa nuk Agron Tufa arriti të largohej.
Agron Tufa dhe viktima Kejsi Hysa
Komente
Cfare jane keto denime me 30 vjet per kete vrasje makaber ? Burgim te perjetshem pa te drejte apelimi per keta monstra , nuk ben phese ne rangun e njerezve ky , te egersirat e ka vendin
PërgjigjuNgaqe edhe viktima ishte njelloj si keta gjykata i ka favorizuar pak meqe hoqen nje kerme tjeter nga rruga.