Prokuroria e Tiranës kërkon dënimin me 35 vite burg për Ludjan Zaimin, i cili mbrëmjen e 23 majit 2022 vrau kolegun e tij në ambientet e komisariatit nr 3 në Tiranë.
Seanca u mbajt sot në gjykatën e Tiranës.
Ish-polici 25-vjeçar nuk përfiton nga gjykimi i shkurtuar, një procedurë kjo që në vendimin final i il dënimin me 1/3.
Ngjarja e rëndë u shënua brenda në ambientet e komisariatit, në zyrën e instruktazhit, pak para se të dy oficerët e Patrullës së Përgjithshme të merrnin turnin. 25 vjeçari, efektiv i policisë qëlloi 6 herë me armën e shërbimit kolegun e tij, Çaush Saliasi, 55-vjeç.
Saliasi u dërgua me urgjencë në spital, por për fat të keq ndërroi jetë si pasojë e plagëve të marra.
Ludjan Zaimi kishte vetëm 1 vit e gjysmë në Policinë e Shtetit, e ndërsa viktima Çaush Saliasi mbi 20 vite karrierë me uniformat blu. I riu, merrte anti-depresantë por sipas kartelës mjekësore nuk rezulton me probleme të shëndetit mendor, pretendonte se kolegu e bullizonte.
Komente
Epo dhe kjo s'ka ku te rritet..! Denohen kriminele qe vrasin me dashje me nga 25 vjet, ky i shkreti qe i ra ne qafe 35 dhe pa te drejte gjykimi te shkurtuar..
Përgjigju