Një 56-vjeçar i dënuar me burgim të përjetshëm për vrasjen e motrës dhe kunatit 28 vite më parë në Rubik është ekstraduar nga Italia drejt vendit tonë.
“Si rezultat i koordinimit të punës ndërmjet specialistëve të Interpol Tiranës dhe homologëve të tyre në Romë, u finalizua procedura për ekstradimin në Shqipëri, të shtetasit Gjovalin Lesi, 56 vjeç, i lindur në Lezhë.
Në vitin 1997, shtetasi Gjovalin Lesi, pas një konflikti për motive të dobëta, në fshatin Rrasfik, Rubik, vrau me armë zjarri kallashnikov, motrën dhe bashkëshortin e saj, informoi sot policia.
Gjovalin Lesi, nga Lezha, u arrestua në Itali në prill 2024 pas një operacioni ndërkombëtar të koduar me emrin ‘Verdikti’.
“Në vitin 1998, Gjykata e Mirditës e ka dënuar këtë shtetas, me burgim të përjetshëm, për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe municionit”, thuhet më tej në njoftimin e policisë.
Komente
