TIRANE-Autori i vrasjes së Marjo Majollarit do të dalë nesër para gjykatës Penale në kryeqytet. Kastriot Gjuzi u arrestua në Kosovë para tre ditësh, pasi ishte shpallur në kërkim që nga mbrëmja e 10 prillit që ekzekutoi Majollarin për hakmarrje.
Prokuroria do të kërkojë nesër masën arrest me burg për Kastriot Gjuzin. Seanca do të zhvillohet nesër në orën 10:00. Gjuzi nuk ka pranuar që të flasë deri tani, ndërsa është shpallur në kërkim bashkëpunëtori i tij.
Shkak i kësaj vrasjes mendohet të jetë hakmarrja. Kjo pasi në vitin 2000 babai i Marjo Majollarit, Avni Majollari vrau Ilir Gjuzin, vëllain e Kastriot Gjuzit, si dhe Armando Nelajn. Pikërisht për këtë ngjarje Kastriot Gjuzi ka vendosur të hakmerret duke vrarë djalin e Avni Majollarit, 18 vite më pas, pavarësisht se Marjo Majollari nuk kishte asnjë lidhje me atë ngjarje.