Pasi Gjykata e Tiranës caktoi masën e sigurisë për shtrim në psikiatri të Zyhdi Shehit, 78-vjeçari që dyshohet se vrau shokun e tij të dhomës Virxhil Veshon, me bastun pak ditë më parë, në fakt i moshuari është akomoduar në burgun e Lezhës.
Burime bëjnë me dije, se Policia e Shtetit, edhe pse i është vënë në dispozicion dokumentacioni për akomodimin e Shehit te Spitali i Burgut, nuk e ka zbatuar dhe dërguar Shehin në Lezhë.
Prokuroria e Tiranës i është drejtuar me shkresë Bllokut të Sigurisë për akomodimin e Shehit në Spitalin e Burgjeve, urdhër që nuk është ekzekutuar.
Ngjarja e rëndë ndodhi në orët e para të mëngjesit të 8 gusht brenda ambienteve të azilit privat në Tiranë. Shehi dyshohet se e goditi disa herë shokun e tij me bastun në kokë, duke e lënë të vdekur.
2 infermierët, kur konstatuan ngjarjen nuk njoftuan policinë, duke supozuar se 82-vjeçari u rrëzua dhe vdiq, dhe për këtë arsye njoftuan agjencinë funerale. Po Agjencia funerale kur hapi trupin për ta pastruar konstatoi shenja dhune e gjaku dhe e ktheu sërish trupin në këtë azil.
Vetëm në këtë moment u njoftua policia, e cila pas disa orësh prangosi infermieret.
Kërkesa e avokatit
Komente
Po pse kush na qenka Zyhdi Shehi qe te meritoje shtrimin ne spital burgu?! Mos eshte zyrtar i larte apo shef policie si Tushe e Brecani e disa te tjere qe s'na kujtohen emrat per momentin,apo si disa kriminela VIP?! Keta poo, e kane merituar shtrimin se jane /koka te medha/! Po nuk u kujdesem per rehatine e ketyre,per ke do te kujdesemi,per Zyhdiun me shoke?!
Përgjigju