Sulm terrorist në zemër të Uashingtonit, përpara Muzeut Hebraik. Dy punonjës të ambasadës izraelite në kryeqytetin amerikan janë vrarë me armë zjarri ndërsa po dilnin nga një aktivitet i organizuar në muzeun hebraik.
Autori i dyshuar, i cili u identifikua dhe arrestua menjëherë, bërtiti "Palestinë e lirë" pas ndalimit, duke lënë të kuptohet se motivet mund të lidhen me luftën në Gaza. Megjithatë, sipas autoriteteve, ai ka vepruar i vetëm dhe nuk ka pasur bashkëpunëtorë.
Dy viktimat ishin një burrë dhe një grua, dhe po dilnin nga një aktivitet në Capital Jewish Museum. I dyshuari, i cili ishte parë duke u endur para godinës, iu afrua një grupi prej katër personash dhe hapi zjarr, sipas shefes së policisë metropolitane, Pamela Smith, në një konferencë për shtyp. Autori është identifikuar si Elias Rodriguez, 30 vjeç, nga Çikago. Pas të shtënave, ai hyri në muze, ndoshta me qëllimin për të qëlluar përsëri, por u ndalua nga personeli i sigurisë.
Pamela Smith konfirmoi se në momentin e arrestimit, Rodriguez nisi të bërtiste “Palestinë e Lirë”. Sipas policisë, ka qenë një sulm i izoluar dhe nuk ka kërcënime të tjera aktualisht për komunitetin.
Ambasadori izraelit në Shtetet e Bashkuara, Yechiel Leiter, bëri të ditur se dy viktimat ishin një çift i ri në prag të fejesës. Burri kishte blerë një unazë këtë javë dhe kishte planifikuar t’i propozonte martesë javën e ardhshme në Jeruzalem.
Ai quhej Yaron Lischinsky, ishte 28 vjeç dhe punonte për zyrën politike të ambasadës izraelite. Lischinsky shkruante një blog për Israel Times. Ai kishte kryer një master në Qeverisje, Diplomaci dhe Strategji në Universitetin Reichman dhe kishte përfunduar studimet bachelor në Marrëdhënie Ndërkombëtare në Universitetin Hebraik.
“Këto vrasje të tmerrshme në Uashington, bazuar qartazi mbi antisemitizmin, duhet të ndalen, TANI!” – ka shkruar ish-presidenti Donald Trump në rrjetet sociale. “Uria dhe radikalizmi nuk kanë vend në Shtetet e Bashkuara.”
“Po shohim çmimin e tmerrshëm të antisemitizmit dhe nxitjes së egër kundër Izraelit,” komentoi kryeministri izraelit Benjamin Netanyahu. “Shpifjet kundër Izraelit po kushtojnë me gjak dhe duhet të luftohen deri në fund,” shtoi ai.
“Amerika dhe Izraeli do të mbeten gjithmonë të bashkuar në mbrojtje të njerëzve dhe vlerave tona të përbashkëta. Nuk do të lejojmë që terrorizmi dhe urrejtja të na ndajnë,” – ishte deklarata e presidentit izraelit Isaac Herzog, i cili e quajti ngjarjen një “sulm të neveritshëm antisemit”.
“Dënojmë me forcën më të madhe vrasjen e dy punonjësve të Ambasadës së Izraelit në Uashington, DC. Lutjet tona janë me të afërmit e tyre. Ky ishte një akt i paskrupullt dhune të ndyrë dhe antisemite,” – shkroi në X Sekretari i Shtetit amerikan, Marco Rubio.
“Asgjë nuk mund të justifikojë dhunën antisemitiste. Jam i tronditur nga vrasja makabre e dy punonjësve të ambasadës izraelite në Uashington,” – shkroi ministri i Jashtëm gjerman Johann Wadephul në një mesazh në X. “I dashur Gideon Sa’ar,” – shtoi ai duke iu drejtuar homologut izraelit, “mendimet e mia janë me kolegët e Ministrisë së Jashtme izraelite dhe me familjet e personave të vrarë.”
Komente
Kjo nuk eshte antisemitizem, ky ka vra dy naziste
Përgjigjundërsa opinioni publik dhe liderët ndërkombëtarë reagojnë me të drejtë ndaj këtij akti të izoluar, bota nuk mund të mbyllë sytë ndaj një tjetër realitet tragjik që po ndodh përditë në Rripin e Gazës: masakrës ndaj civilëve palestinezë. Qindra fëmijë, gra dhe të moshuar po humbin jetën nën bombardime pa dallim. Spitalet, shkollat dhe strehët e mbushura me civilë janë kthyer në objektiva lufte.
PërgjigjuPaskan ber pune shume te mire
Përgjigju