Ahmed Ghaleb Al-Rahwi, kryeministri i qeverisë së rebelëve Houthi që kontrollon një pjesë të Jemenit, u vra mbrëmjen e së enjtes në një sulm ajror izraelit në Sanaa, raporton gazeta jemenase Aden Al-Rad. Sipas medias në fjalë, sulmi kishte në shënjestër një shtëpi në një zonë banimi ku besohet se ndodhej Al-Rahwi.
Të vrarë kanë mbetur edhe personat që e shoqëronin kryeministrin e Houthi-ve, sipas gazetës, ndërsa grupi rebel ende nuk ka bërë një deklaratë publike.
Operacioni në të cilin thuhet se u vra udhëheqësi i qeverisë Houthi ishte një sulm i veçantë nga bastisja izraelite që dje thuhet se kishte në shënjestër dhjetë ministra të administratës së rebelëve, përfshirë shefin e Mbrojtjes, të cilët po takoheshin në një vend jashtë kryeqytetit për të dëgjuar një mocion nga udhëheqësi i milicisë pro-iraniane, Abdul Malik-al Houthi.
Dje pasdite, ushtria izraelite thjesht raportoi se "ka goditur një objektiv të regjimit terrorist Huthi në Sana'a", pa dhënë detaje.
Sanaa ka qenë objektiv i një sërë sulmesh ajrore izraelite për ditë të tëra, duke synuar vendet ushtarake dhe të sigurisë si edhe selitë e rebelëve Houthi. Ndërkohë, sipas mediave izraelite, ka qenë një sulm që kishte në shënjestër 10 ministra të lartë të rebelëve Houthi.
Huthët janë pjesë e një koalicioni të lirshëm të grupeve të lidhura me Iranin të njohura si "boshti i rezistencës", së bashku me Hezbollahun, Hamasin dhe të tjerë.
Që nga fillimi i luftës në Gaza, Houthit kanë shënjestruar anijet ndërkombëtare në Detin e Kuq, duke i solidarizuar me palestinezët në Gaza, siç kanë thënë ata.
Lajm në përditësim…
Komente
