Princi William dhe Kate Middleton, Princesha e Uellsit, kanë publikuar një foto të re familjare për kartolinën e tyre vjetore të Krishtlindjes. Fotoja tregon çiftin dhe tre fëmijët e tyre, Princin George, Princeshën Charlotte dhe Princin Louis, duke ecur së bashku në një shteg dorë për dore.
Imazhi është bërë nga fotografi Matt Porteous në Norfolk.
“Princi dhe Princesha e Uellsit janë të lumtur të ndajnë një foto të re të familjes së tyre ”, tha zëdhënësi i tyre.
Fotoja e parë e Krishtlindjeve e mbretit Charles si monark u publikua një ditë më parë. Foto tregon Mbretin dhe gruan e tij në Mbledhjen Mbretërore të Malësisë Braemar. Fotoja është shkrepur nga Sam Hussein më 3 shtator, pesë ditë para vdekjes së Mbretëreshës.
Komento
