Duke lavdëruar magjinë e natyrës shqiptare, përpjekjet mbinjerëzore të privatëve për të bërë më të mirën e më të bukurën në ofertën për pushuesit që sa vijnë e shtohen, qytetet që janë zbukuruar nën një punë të mirë promovimi, përkushtimi për përmirësim, ka një realitet, të cilin duhet ta pranojmë e ta gjykojmë me ndershmëri: Ka tepër rreziqe kudo lëvizet nga jugu në veri.
Në disa ditë të kaluara në Jug, në qytetin e bukur të Sarandës, mjafton të përshkosh me këmbë distanca të shkurtra nga “Santa Quaranta” drejt shëtitores për të kuptuar se çdo hap është një rrezik për këmbësorët. Vizat e bardha për të kaluar nga një anë në tjetrën të rrugës, aty ku trotuarët janë holluar fare të rrëmbyer nga ndërtimet, mungojnë, ose ato që ekzistojnë janë të fshira. Rruga e ngushtë në vijën e parë të detit është një alarm i përhershëm, një luftë mbijetese mes këmbësorëve, makinave, shkarkimeve të autobusëve me pushues te hotelet, shkarkimet e mallrave te dyqanet. Fati dhe kujdesi shpëton shumë të tjerë, por rrezikoi një vogëlush 4 vjeçar i ardhur nga Gjermania, që u godit nga një makinë. Urojmë të kalojë sa më shpejt tronditjen, pasi, përsëri falë Fatit, deklarohet së është jashtë rrezikut për jetën.
Kullat e vrojtimit nëpër plazhe, janë një tjetër “gallatë” alla shqiptare. Diku janë fare formale, diku “roja e plazhit”, nuk do të ishte në gjendje fizike të shpëtonte as veten; diku, kullave nuk iu kanë vendosur as shkallë për të vrojtuar.
Për varkat në lumin Shalë apo në Koman, kujtohen vetëm tani të bëjnë kontrollet e gjendjes teknike dhe sigurisht, t’i bllokojnë me bujë, me teatralitet greko-bizantin. Sikur nuk mjaftoi një dimër i tërë për ministrinë e turizmit që ka tre muaj të përballojë fluksin që vjen falë reputacionit të rritur të Shqipërisë, të bëjë paralajmërimet e duhura, koordinimet e duhura, të japë licensat e duhura që si turizmi, por edhe mjetet ndihmëse të tij, të jenë në formën e pretenduar nga ligji dhe siguria në shërbim të të huajve dhe të shoqërisë.
Si të jemi “shtet i pulcinelave” vazhdojmë të lemë gërmadhat e shkatërruara të viteve më parë në Ksamil. Me betonin dhe hekurat e dala të ndryshkura me arsye rreziku dhe infeksioni për ata që i qëndrojnë përbri.
Për ata që nuk duan apo nuk e kanë mundësinë të shkojnë nëpër struktura luksi, apartamentet për pushime janë një alternativë e pëlqyeshme. Privatët i kanë rinovuar, i mbajnë pastër dhe bukur, por gjëndja e administrimit të pallateve, (që zgjedhin qindra turistë) e sidomos siguria e mirëmbajtja e ashensorëve është një tjetër rrezik. Shpesh janë jofunksionalë dhe kur funksionojnë dridhen dhe janë aq të vjetër e të shkatërruar saqë bllokohen përditë. Kontrollet dhe mbikqyrja e rreptë e bashkive në këtë pikë, është inekzistente. Urojmë të mos kemi lajme të këqija dhe nga ky drejtim.
Rrjetat e "merimangave" të fijeve të korrentit, apo të internetit, vazhdojnë të lidhin pallatet e ndërtesat me njëra-tjetrën pa mëshirë. Tela të zhveshur apo të paizoluar mirë has në çdo cep dhe mosprekja e tyre nga fëmijë, është gjithashtu një mrekulli që ndodh në vendin tim.
Rritja e fluksit të turistëve është një bekim, por në të njëjtën kohë pretendon seriozitet maksimal nga të gjitha strukturat, sidomos nga ato që kanë të bëjnë me kontrollin e sigurisë.
Komente
Shqiperia ska kontrolle e ndeshkime reale,sidomos kur behet fjale per fitimet e jo per detyrimet. Per here te fundit kam bere plazh atje ne vitin 1987-1988. Kam mall,por asnje deshire per ate qe shoh,masaker per syrin e per veshin,per trupin e per xhepin,pa as edhe nje respekt per detyrimin ndaj atin qe paguan sic eshte ne gjithe boten. 1000 euro java paguaj ne hotel,fjetje e ushqim per tre veta dhe sikur te jesh vetem,asnjeri neper kembe,seicili hapesiren e argetimin sipas moshave,zhurmat ne vendet ku ata qe sduan nuk degjojne gje,pasterti ngado qe rrotullohesh,,etj etj. Shqiperia eshte bere anarshi e gjalle,dhe une nuk jam aventuriere as injorante. Do rrija ne legen me uje te ftohte ne vape por plazh atje kurre.
PërgjigjuShkrim teper i sakte. Halli qe lideri boteror ka marre persiper te zgjidhe hallet e botes e jo te popullit te tij!
PërgjigjuMasa urgjentisht qe duhet te mari kryeministri eshte te shkarkoje menjehere Ministrin e Turizmit nese Ajo nuk jep doreheqjen. Kjo eshte nje thirje popullore sepse kjo ministre nuk ka bere asnje pune vetem sa pasurohet nga a taxapaguesit
PërgjigjuShumr mire Alba , por eja shiko nje here dhe shkruaj per Pogradecin. Shiko si bllokohet e gjithe sperfaqja e gjelberur pergjate bregut te liqenit. Shtrohen derasa mbi barin dhe mbushen me tavolina nga lokalet. Ka edhe shtrime me beton, me “miratim” te Bashkise, lokale ne pjesen e reres se plazhit, etj qe bashkia i trajton me preference , per njerez te partise apo per xhepat e pushtetit, … por kjo gjendje e demton keq pamjen e vijes liqenore gjate sezonit turistik
PërgjigjuPo shumë e drejtë..secili duhet të "ndezë qirin e tij"...e të mos mallkojë tretësirën!..Gazetari i përditshëm të denoncojë më shumë,edhe qytetari e banori.. duke imponuar pushtetin lokal e qëndror!
PërgjigjuMëse e vërtetë! Të merren masa urgjente jo vetëm për turistë, por për gjithë popullatën. Nuk është vetëm problemi kritik plehrave që mbetet, por dhe ato të listuara me të drejtë në artikull.
bananistan...
PërgjigjuBananistan... Lexo pak historine se ne vitet 60 ne Ameriken latine u shkaterruan shtete nga Banania dhe u bene pseudo revolucione... Bananen na kane dhene edhe ne me revolucionin ne drejtesi...