Mesfushori i Kombëtares shqiptare, Taulant Xhaka, ka shënuar një supergol nga distanca për skuadrën e tij Basel në javën e 27-të në kampionatin zvicerian në fushën e Young Boys. Ky takim ka përfunduar me rezultatin 2-2.
Futbollisti i Kombëtares ka rikthyer takimin në ekuilibër në minutën e 39-të, duke shtangur portierin kundërshtar me një predhë nga distanca.
Pas një periudhe negative në karrierën e tij, Armando Vajushi ka arritur të realizojë me fanellën e Avellinos, duke gjetur golin pas shumë kohësh, në ndeshjen e parë si titullar me këtë fanellë. Por mesfushori shkodran nuk i ka mjaftuar Avellinos, pasi në pjesën e dytë Bari i Migjen Bashws ka përmbysur gjithçka, duke fituar në shifrat 1-2.
Komento