Java e 28-të e futbollit shqiptar dha rezultatet e veta, me Tiranën që pas fitores 2-1 me Kukësin merr kreun e klasifikimit, kjo edhe pas "ngecjes" 1-1 të Partizanit në transfertën e Rrogozhinës me Egnatian. Rikthimi në krye i bardhebluve e ka një emër, teksa është Florent Hasani heroi i skuadrës që drejtohet nga Orges Shehi.
Shqiptari i Kosovës shkon në kuotën e 15 golave këtë sezon, duke kryesuar edhe listën e golashënuesve, teksa ka dhuruar edhe 5 pasime finale për gol. Me vlerë 400 mijë euro në treg, Tirana duket se ka goditur në merkaton e shkuar, duke afruar një lojtar që po merr ekipin "për dore" drejt vendit të parë.
Kampionët në fuqi të vendit duket se kanë oferta për Hasanin, me klubet turke dhe azerbajxhanase që po monitorojnë situatën e 26-vjeçarit. Me kontratë deri në 2024, Hasani pritet t'i sjellë të ardhura klubit bardheblu në merkato, nëse drejtuesit vendosin ta shesin.
Renditja
