Nënkryetarja e Partisë së Lirisë, deputetja Erisa Xhixho, i ka bërë thirrje presidentit Bajram Begaj që të mos dekretojë ndryshimet ligjore të miratuara nga Kuvendi në ligjin për “Zonat e Mbrojtura”.
Ky ligj sipas saj i kthen zonat e mbrojtura në sheshe ndërtimi.
“Me këtë ligj zonat e mbrojtura, do të shndërrohen në sheshe ndërtimi për resorte, komplekse pallatesh apo biznese, shumica e të cilave do të vihen në shërbim të pastrimit të parave të krimit e korrupsionit”, tha Xhixho.
“Së pari, kompetencat i kalojnë Këshillit Kombëtar të Territorit duke iu hequr Ministrisë së Mjedisit. Së dyti, lejohen investimet strategjike dhe kategoritë e investimeve strategjike si resorte e biznese shërbimi etj. Falë ligjit të ri, nuk do të ketë më zona të mbrojtura. Pra, mund të ndërtohet në Butrint, Karavasta, Mal të Dajtit apo në Liqenin e Ohrit. Ligji largon ekspertët nga vendimmarrja dhe e kalon atë tek Këshilli i Ministrave”, sqaroi Xhixho.
Komente
Mos humbni kohe me presidentin.Shkoni ne gjykate e deri ne Strasburg,po te jete e nevojshme ! Ceshtja /Butrinti/ ishte nje mesim i mire se me cfare /menyre/ merr vesh ky shtet.
PërgjigjuBashkautorja e vjedhjeve kolosale te Ilir Metes po ben thirrje duke menduar se dikush do ta degjoj!!Paguhet dhe luan lojen e piset te Berishes + Tabakut fatkeqesi te jesh kaq e re dhe te zhytesh ne llum pa filluar mire hapat e politikes!
Përgjigju