Mbrëmjen e djeshme u mbajt ceremonia e ndarjes së çmimeve për yjet e muzikës në Amerikë.
Këngëtarja Taylor Swift e ka treguar se është më e mira e dekadës në American Music Awards.
Swift ka fituar 6 çmime American Music Awards, duke thyer rekordin e Michael Jackson me 29 çmime në total.
Ajo është shpallur artisti më i mirë i vitit në Amerikë, duke lënë pas artistët si Drake, Ariana Grande, Halsey apo Post Malone.
Dhe siç pritej, veshjet e të ftuarve ishin nga më të larmishmet dhe nga më të shtrenjtat.
Yjet e muzikës moderne u mblodhën te “Teatri Microsoft”, në Los Angelos të SHBA-së me veshje nga më të veçantat.
Selena Gomez, Dua Lipa, Lil Nas X ishin mes artisteve që zgjodhën jeshilen e ndezur, ndërkohë që Lizzo solli një mikro-çantë nga marka italiane ”Valentino”.
Dua Lipa ka kaluar në tapetin e kuq me një fustan ngjyrë rozë dhe një shall të zi të lidhur në bel.
Christina Aguilera ka ardhur me një kostum me motive ngjyrë të bardhë.
Komente
