Hakim Ziyech raportohet se ka dështuar në testet mjekësore te skuadra e Arabisë Saudite, Al-Nassr.
Marokeni iu nënshtrua testeve mjekësore me klubin e Cristiano Ronaldos, teksa u zbulua problem me gjurin e lojtarit. Sipas Footmercato , Al-Nassr tani ka dyshime nëse do të mbajë ose jo anësorin.
Ziyech kishte probleme të ngjashme në janar, kur ai kreu testet mjekësore me PSG-në dhe më pas iu nënshtrua testeve të mëtejshme. Një marrëveshje huazimi e propozuar dështoi për shkak të një gabimi në dokumentacion.
30-vjeçari luajti vetëm 24 ndeshje për Blutë në të gjitha kompeticionet dhe koleksionoi vetëm 928 minuta lojë. Ai nuk shënoi asnjë gol, duke dhënë tre asistime.
Komento
