Këngëtarja e njohur shkodrane, Fatjeta Barbullushi, pas një kohe të gjatë larg vendlindjes, u rikthye në Shkodër për të mbajtur një koncert recital të veçantë të titulluar “Zani i dashnis”.
Atmosfera në teatrin “Migjeni” ishte e ngrohtë, ndërsa publiku e mirëpriti me duartrokitje të zjarrta dhe entuziazëm
Ajo interpretoi disa prej këngëve më të dashura të traditës shkodrane, si dhe krijime nga repertori i saj personal. Koncerti u pasurua nga pjesëmarrja e artistëve të njohur nga Shkodra dhe trevat e tjera shqiptare, duke krijuar një natë të paharrueshme për të gjithë të pranishmit.
Fatjeta e ndau emocionin e saj të rikthimit në vendlindje, një ndjesi që e përshkon çdo herë që kthehet në qytetin e saj.
E angazhuar në projekte të reja muzikore, Fatjeta Barbullushi synon të vazhdojë të ndajë me publikun shkodran dhe më gjerë, artin dhe pasionin e saj, duke e çuar më tej karrierën artistike.
Komente
