Policia australiane ka njoftuar se depërtuar në aplikacionin Ghost, një aplikacion i koduar komunikimi global i ndërtuar për kriminelët, duke çuar në qindra arrestime nga Australia, Lindja e Mesme dhe Europë për trafikim droge.
Telefonat inteligjentë të modifikuar u shitën për 2,350 dollarë australianë (1,590 dollarë) që përfshinte një abonim gjashtë-mujor në Ghost dhe mbështetje teknike.
Administratori i dyshuar i aplikacionit, Jay Je Yoon Jung, 32 vjeç, u paraqit në një gjykatë të Sidneit të mërkurën me akuza që përfshinin mbështetjen e një organizate kriminale dhe përfitimin nga të ardhurat e krimit.
38 të dyshuar u arrestuan vetëm në Australi në ditët e fundit, ndërkohë që agjencitë e zbatimit të ligjit po bënin arrestime edhe në Kanada, Suedi, Irlandë dhe Itali, tha zëvendëskomisioneri i Policisë Federale Australiane, Ian McCartney.
“Ne pretendojmë se qindra kriminelë, duke përfshirë krimin e organizuar italian, anëtarë të bandave të motoçikletave, krimin e organizuar të Lindjes së Mesme dhe krimin e organizuar korean kanë përdorur Ghost në Australi dhe jashtë shtetit për të importuar drogë të paligjshme dhe për të urdhëruar vrasje”, u tha McCartney gazetarëve.
Policia australiane kishte parandaluar që 50 persona të vriteshin, rrëmbeheshin ose lëndoheshin rëndë duke monitoruar kërcënimet midis 125,000 mesazheve dhe 120 video-telefonatave që nga marsi, tha Ndihmës Komisionerja Kirsty Schofield.
Policia pretendon se Jung e zhvilloi aplikacionin posaçërisht për përdorim kriminal në vitin 2017.
