Arkeologët gjermanë kanë gjetur një shpatë të groposur që daton më shumë se 3 mijë vjet më parë dhe i përket epokës së bronzit.
Shpata prej bronzi me një dorezë tetëkëndëshe dhe disa sende të tjera prej bronzi u gjetën në një varr bashkë me eshtrat e një burri, gruaje dhe djali dhe sende të tjera prej bronzi.
Mendohet se shpata i përket fundi shekullit të 14-të para Krishtit dhe studiuesit besojnë se u la në varr si një dhuratë varrimi.
Arkeologët dhe studiuesit u shprehën entuziastë për zbulimin, teksa thanë se një shpatë si kjo, me një dorezë tetëkëndëshe të bërë tërësisht prej bronzi, është një gjetje e rrallë.
Studiuesit besojnë se shpata ishte një armë e vërtetë, pasi qendra e gravitetit në pjesën e përparme të tehut tregon se ajo ishte krijuar kryesisht për prerje.
Shpata mendohet se u la në varrin që përmbante eshtrat e tre personave, të cilët u varrosën menjëherë pas njëri-tjetrit, ndonëse nuk është e qartë se cila ishte marrëdhënia e tyre.
