Dronët kanë zbuluar mbi 3200 bimë kanabis të kultivuara në disa zona të pyllëzuara në Shkodër, ku në një nga fshatrat ku u gjetën bimët, një 65-vjeçare është shpallur në kërkim nga policia pasi dyshohet se kujdesej për bimët narkotike.
Gjatë fazës së pestë të operacionit antikanabis të koduar “Alpe të pastra”, e zhvilluar prej 2 ditësh nga Komisariati i Policisë Shkodër janë gjetur dhe asgjësuar mbi 3200 bime dhe fidanë kanabis në disa fshatra të Shkodrës.
Në ditën e parë të kësaj faze, u asgjësuan 460 bimë kanabis që u gjetën të kultivuara në fshatin Lotaj, Shalë, ku dronët kanë zbuluar gjithashtu një të moshuar që po kujdesej për bimët e dyshuara narkotike.
Për pasojë nga verifikimet e kryera u bë i mundur identifikimi dhe shpallja në kërkim e 65-vjeçares Age Martinaj.
Ndërsa në ditën e dytë të kësaj faze, u asgjësuan 2300 bimë kanabis, që u gjetën të kultivuara në territorin e fshatit Pepaj, Shosh, si dhe 510 fidanë të mbjellë në kubikë.
Operacioni policor antikanabis “Alpe të pastra”, vijon.
Komente
Keto qe jane gjetur ne realitet jane te pakten mbi 30.000 rrenje. Por mqs nëndrejtori i policie kriminale nje super dhelpër nuk ka gjetur lidhjet urdhëron qe te asgjësohen. Shpresoj qe drejtori i ri i AMP ti nxjerri kthetrat e tja shkuli dhembet atij Hajri Kushes dhe ushtarëve te tij...
Përgjigju