Policia e Hjustonit ka njoftuar të mërkurën se kishin identifikuar një të dyshuar për vrasjen e një kardiologu të shquar, i cili dikur kishte qenë mjeku personal i ish-presidentit amerikan George H.W. Bush.
Shefi i policisë Art Acevedo u tha gazetarëve se ishte lëshuar një urdhër arresti për 65-vjeçarin Joseph James Pappas, i cili sipas hetuesve vrau Dr. Mark Hausknecht, teksa ai lëvizte me biçikletën e tij për të shkuar në punë mëngjesin e 20 korrikut.shkruan FoxNews.
Ndërsa sipas NyDaily News, burri kreu krimin pasi mjeku Hausknecht operoi 20 vite më parë nënën e Pappas, por fatkeqësisht ajo vdiq gjatë operacionit dhe për humbjen e saj, i biri fajësoi kardiologun e njohur.
Nuk e di kur ai vendosi ta bënte këtë, por e kam shumë të njohur mënyrën se si është kryer kjo vrasje dhe ka qenë e planifikuar.
Shefi i policisë Art Acevedo gjatë një konference shtypi
Shefi i policisë u shpreh se Pappas, i cili nuk është parë prej të paktën 36 orësh, konsiderohet i armatosur dhe i rrezikshëm për shoqërinë. Presidenti Bush mbajti zi për humbjen e mjekut të tij, duke deklaruar se:
Marku ishte një kardiolog fantastik dhe një njeri i mirë. Unë do të jem gjithmonë mirënjohës për kujdesin e tij të jashtëzakonshëm dhe të dhembshur. Familja e tij është në lutjet tona.
Presidenti amerikan George H.W. Bush
Komente
