David Beckham ka zbuluar se gruaja e tij, Victoria Beckham, pëlqen të hajë peshk të pjekur në skarë çdo ditë.
Ndërkohë që ajo më tej ka treguar arsyen pse i pëlqen të hajë salmon, duke shpjeguar se një dermatolog, Dr. Harold Lancer, e ka këshilluar që të hante çdo ditë për ta ndihmuar me lëkurën e saj “problematike” dhe padyshim që ka funksionuar për të.
Çfarë është kolagjeni ?
Kolagjeni është një nga proteinat më të përhapura në organizëm dhe përbën 80 për qind të lëkurës sonë. Ai luan një rol të rëndësishëm në mbajtjen e kockave, kërcit, tendinave dhe flokëve. Me kalimin e kohës, zvogëlohet natyrshëm, gjë që ndikon në elasticitetin e lëkurës.
Pse salmoni është një burim i mirë i omega-3
Salmoni është i pasur me DHA dhe EPA, dy nga acidet yndyrore më të rëndësishme omega-3, si dhe proteina dhe vitamina B6 dhe B12. Marrja e sasisë së duhur të omega-3 është thelbësore për të parandaluar shumë sëmundje, veçanërisht ato kardiovaskulare dhe degjenerative.
Marrja e rekomanduar ditore e omega-3 është një minimum prej 200 deri në 500 mg – një fileto mesatare e salmonit (rreth 150 gram) siguron afërsisht 2.5 gram omega-3.
A përfiton lëkura dhe flokët tuaj nga konsumimi i salmonit?
Salmoni konsiderohet një superushqim bukurie për lëkurën, flokët dhe thonjtë. Ai është gjithashtu i ngarkuar me antioksidantë dhe diversitet bimor për të ushqyer mikrobiomën.
Salmoni përmirëson edhe shëndetin e flokëve. Një studim zbuloi se shumica e grave që morën omega-3 raportuan një reduktim të humbjes së flokëve.
