Kjo është shenja treguese e grupit të informatorëve të vjedhjeve të banesave.
Shenja e vendosur nga grabitesit
Në 2 muaj 12 grabitje janë zhvilluar nga ky grup në Tiranë dhe Durrës. Kjo shenjë ishte kod komunikimi i grupit për të treguar se prej tre ditësh në këtë banesë shënuar me shenjës X për ekzekutim nuk kishte hyrje-dalje.
Report Tv mëson ekskluzivisht se pak minuta më parë në pikën kufitare me Maqedoninë, është kapur llogaritarja e grupit Valbona Osmani, 33 vjeçarja nga Durrësi.
Pardje u arrestuan tre anëtarët e grupit të hajdutëve, ndërsa një tentoi që të arratisej, por u kap më vonë nga policia. Konkretisht është arrestuar 45 vjeçari Arjan Rrupa, banues në Durrës, autori kryesor i vjedhjeve, i dënuar më parë për veprat penale “Prodhimi dhe shitja e narkotikeve” dhe “Armëmbajtja pa leje”.
Osmani këmbente në vlera monetare varëse, ora, byzylykë e sende elektronike.
Sipas informacioneve, 33 vjeçarja nuk ka bërë rezistencë, por u ka thënë policëve se e ngatërronin me një person tjetër.
