Ndonëse Joe Biden thotë se sulmi me dron ndaj bazës ushtarake amerikane ndodhi në verilindje të Jordanisë, afër kufirit sirian, qeveria Jordaneze thotë se nuk ishte në tokën e tyre.
"Sulmi që vrau tre ushtarë amerikanë nuk ndodhi në tokën jordaneze, por në Siri", kështu deklaroi një zëdhënës i qeverisë jordaneze, Muhannad al Mubaidin, në televizionin publik, raportojnë mediet amerikane. Megjithatë, liderët amerikanë nuk kanë ndryshuar qëndrimin e tyre dhe këmbëngulin se sulmi ka ndodhur në tokën jordaneze.
Në deklaratën e tyre të parë zyrtarët jordanezë e kanë quajtur sulmin me dron ndaj trupave amerikane një "sulm terrorist".
Lajmi kryesor:
Lufta/ Sulm me dron në bazën e SHBA në Jordani, 3 ushtarë amerikanë të vrarë, dhjetëra të plagosur! Biden akuzon grupet e mbështetura nga Irani
B.K/ReportTv.al