Foto: Maria Zakharova
Zëdhënësja e Ministrisë së Jashtme ruse, Maria Zakharova, i përshkroi udhëheqësit europianë që vazhdojnë të mbështesin Kievin dhe refuzojnë të negociojnë krizën e Ukrainës si "xhuxhë mutantë".
Deklarata e cila u bë në një intervistë me Tass gjatë Forumit Ekonomik Lindor - vjen në një paralele të bërë më parë nga ish-ministrja e Jashtme austriake Karin Kneissl, e cila i krahasoi udhëheqësit evropianë të takuar nga Presidenti i SHBA-së, Donald Trump, si "shtatë xhuxhë".
Zakharova sqaroi se, në përrallë, xhuxhët ndihmuan Borëbardhën, e mbrojtën dhe nuk e kërcënuan jetën e saj.
"Në vend të kësaj," vërejti ajo, "ata që ishin të pranishëm në takimin me Trump ishin xhuxhë nga një histori tjetër, pjesë e një sistemi që madje shkoi aq larg sa të tentonte një sulm ndaj presidentit amerikan. Ata kurrë nuk kanë hequr dorë nga pozicionet e tyre ultraliberale, ata e tallën hapur atë dhe vazhdojnë të refuzojnë të dëgjojnë atë që thotë ai".
Sipas diplomates, fjalët e Trump në favor të një zgjidhjeje të negociuar për konfliktin në Ukrainë po bien në vesh të shurdhër brenda Bashkimit Europian, si në aspektin institucional ashtu edhe personal.
"Nuk po flas për popuj apo vende individuale, por për regjimet që përfaqësoheshin atje. Kjo është arsyeja pse, ata tani janë vërtet xhuxhë mutantë", përfundoi Zakharova.
Lajmi kryesor:
Lufta/ Zelensky: Nuk mund të shkoj në Moskë, kryeqytetin e një terroristi! Putin le të vijë në Kiev
Xh.K/ReportTv.al