Manuel Neuer mbylli sezonin për Bayern Munich si shkak i thyerjes së këmbës. Tanimë kampionët e Gjermanisë janë duke menduar për zëvendësuesin e 36-vjeçarit, duke hedhur sytë në Premier League. Sipas "MediaFoot" në Francë, i përzgjedhuri i drejtuesve është Illan Sephane Meslier, portieri 22-vjeçar i Leeds United.
Pjesë e Francës U-21, Meslier ra në sy për paraqitjet e mira edhe sezonin e shkuar, duke vijuar me të njëjtin ritëm edhe këto javë. Me vlerë 22 milionë euro në treg, Leeds kërkon të përfitojë shumën e duhur për të lënë të lirë portierin. Me kontratë deri në 2026, Meslier është produkt i Lorient në Francë teksa në rast të një hapi të madh në karrierë, gardiani do kërkonte shansin edhe në kombëtaren e "Gjelave".
Komento
