TIRANË- Sali Berisha dhe koalicioni i tij Aleanca për Shqipërinë Madhështore do të mbajnë numrin 1 në fletën e votimit. Arlind Qori me Lëvizja Bashkë do të jenë në shtyllën e dytë të fletës, ndërsa numri 3 i takon partisë Atdheu. Lulzim Basha mori numrin 4, me partinë e tij Koalicioni Euroatlantik.
Partia më e madhe, Partia Socialiste do të mbajë numrin 5, e ndjekur në shtyllën me numrin 6 nga Koalicioni Nisma Shqipëria Bëhet, i Adriatik Lapajt.
Numri 7 është Aleanca Kombëtare Shqiptare e drejtuar nga Elena Kocaqi, e ndjekur nga partia e Edmond Stojkut, Aleanca Demokracia e Re me numrin 8. Shtylla e 9-të është për Dashamir Shehin dhe Enkelejd Alibeajn, Koalicioni Djathtas për Zhvillim.
Numri 10 do të jetë Partia Mundësia e Agron Shehajt, ndërsa në fund, me numrin 11 Partia Social Demokrate e Tom Doshit.
Përfundimisht në fletën e votimit të 11 majit do të kemi 11 subjekte: 8 parti dhe 3 koalicione. Ilirjan Celibashi do të miratojë të martën pasdite përmbajtjen finale të fletës së votimit, ku me interes pritet madhësia e fletës për qarkun Tiranë, brenda së cilës do të ketë më shumë se 500 emra kandidatësh.
Komente
