Kryesuesja e vëzhguesve të ODIHR-it për zgjedhjet parlamentare të 25 prillit, Urszula Gaçek do të takohet në selinë rozë me kryesocialistin Edi Rama. Në fokus të bisedimeve pritet të jenë zgjedhjet e 25 prillit dhe mbarëvajtja e tyre.
Burime për Report Tv bëjnë të ditur se kryesuesja e vëzhguesve të ODIHR-it, Urszula Gaçek do të kërkojë nga Rama garancia për zhvillimin e zgjedhjeve të lira dhe të ndershme.
Pak ditë më parë misioni i OSBE/ODIHR-it u takua edhe me kryedemokratin Lulzim Basha dhe krerët e partive aleate të PD si Fatmir Mediu dhe Sali Shehu.
Delegacioni i OSBE-ODIHR kryesohet nga ambasadorja Urszula Gacek dhe përbëhet nga Nënkryetarja e Misionit, Poline Lemos, Armen Mazmanyan, analist ligjor, Robert Bystricky, analist zgjedhor dhe Kakha Inaishvili, këshilltar për zgjedhjet i ODIHR. Qëllimi i vizitës së Misionit dhe njohja me përgatitjet e procesit zgjedhor.
