Ministria e Brendshme ka bërë me dije se kanë marrë masa që qytetarët, që kanë aplikuar për t’u pajisur me kartën e re të vlefshme identiteti, t’ju prodhohet me një afat të përshpejtuar.
Për aplikimet në 6 njësitë lokale ku do të mbahen zgjedhje, ID kartat do të jenë gati deri ditën e shtunë, e mund të tërhiqen pranë zyrave që do të qëndrojnë të hapura.
Ky proces vlen vetëm për 6 bashki, Durrës, Shkodër, Lushnjë, Vorë, Dibër e Rrogozhinë ku zhvillohet proces elektoral.
Zyrat do të jenë të hapura edhe ditën e shtunë, për t’u siguruar që të gjithë qytetarët që tashmë kanë aplikuar, të kenë një mjet të vlefshëm identifikimi me të cilin të ushtrojnë të drejtën e votës.
Ditën e djeshme, KQZ i dërgoi një letër Ministrisë së Brendshme ku kërkonte njohjen e vlefshmërisë së dokumenteve të skaduara identifikimit edhe tej 6 marsit.
