TIRANË- Vetëm 11 ditë na ndajnë nga zgjedhjet parlamentare të 11 majit dhe partitë politike tashmë janë nën ‘ethet’ e rezultateve. Por, cili është synimi i PS në Tiranë, qarku në të cilin bëhet lufta më e madhe politike për plot 37 mandate. Kandidati socialist Blendi Gonxhja i ftuar në Report Tv thotë se Partia Socialiste synon të paktën 20 mandate në Tiranë.
Në emisionin ‘Studio Live’ me gazetarin Arbër Hitaj,Gonxhja thotë se fokus të PS është jo vetëm vota e elektoratit besnik, por edhe tek vota e zgjedhësve për herë të parë dhe tek elektorati gri. Kandidati socialist në Tiranë, njëherazi edhe për Ministri për Ekonominë, Kulturën dhe Inovacionin thotë në Report Tv se duhet të besohet deri tek vota e fundit.
Fushatën në terren e vlerëson si shumë pozitive, jo vetëm në njësinë numër 6 të cilën ai e drejton, duke theksuar se ‘lufta’ brenda llojit duhet të jetë e ndershme.
“Pjesëmarrja në këtë listë prej 37 kandidatësh e ka shumë figurave, gjinive, prejardhjeve, profesioneve moshave, është shumë e rëndësishme si skemë se i jep shumë pikë PS, asaj kanistrës së madhe me shumë vota që synohen. Ne kemi një numër anëtarësh që mund të lëvizin nga 45-65 mijë anëtarë. Por kur vjen puna për të qeverisjen duhet një numë shumë i madh votuesish, gati 800 mijë. Nuk synojmë vetëm anëtarë të PS, sa më shumë që kjo listë po mbledh, po punohet shumë për votën e votuesve për herë të parë, elektoratin gri. Kjo skemë sjell shumë pikë. Është edhe delikate, se duhet që lufta të bëhet mirë, duhet të jetë e ndershme, korrekte. Njëra nga rregullat është që mos të bëjmë zhurmë vizive. Brenda PS kemi këtë rregull, jemi menduar ta respektojmë. 37 veta nuk mund të futen sot në Kuvend, shumë prej nesh janë këtu për të dhënë shumë më tepër. Duhet të besohet deri tek vota e fundit. Mendoj duhet të synohen tek 20 e mbi. Mendoj që është e arritshme”, tha Gonxhja.
Votë historike e quan atë të diasporës, që për herë të parë shpreh vullnetin në zgjedhjet parlamentare, ndërsa nuk ka dyshim qe edhe ajo do të shkojë për socialistët.
“Kemi një shifër të pritshme mbi rreth 60% për regjistrimet që ne kemi bërë dhe duke e krahasuar me censuset tona të regjistrimeve të tjerëve, të regjistrimeve totale duke e marrë me një formulë që ne llogarisim se kemi regjistruar me vullnetarët. Me një formulë tonën na del që kemi pritshmëri për rreth mbi 60% nëse do votohej dhe do dërgohej zarfi në KQZ do ishte gjithë procesi i mbyllur pa asnjë firo gabim”, thekson Gonxhja.
Një koment e ka edhe për Greqinë, ku po shfaqen probleme me ndarjen e fletës së votimit tek emigrantët shqiptarë.
“Ndërkohë që kemi disa probleme, kjo ka bërë ti përvishemi fort Greqisë. Ka edhe një problem me adresat. I ka njerëzit jo në adresat ku deklarojnë. Njerëzit po shkojnë tek pikat postare, po plotësojnë votën atje. Ka rifilluar dhe po ecën mirë. Greqia në ka surprizuar për keq në kuptimin e funksionimit të sistemi postare, edhe pse kontrata ka qenë me DHL. Jemi pa fjalë sa i përket shërbimit postar. Diçka nuk ka funksionuar në vendin që ne kemi numrin më të madh të emigrantëve që votojnë, ku kemi bërë edhe takimet më të mëdha, panairin e punës. Do jetë një votë që na ka gjykuar në distancë”, shprehet Gonxhja.
Gonxhja flet edhe për kontratën e lobimit 6 mln dollarë të PD, për të cilën ngre pyetjen se ku i gjetën këto para, për të cilat thotë se nuk vijnë as nga buxheti i shtetit për partitë dhe as nga buzheti për fushatën elektorale.
“Nëse nuk janë para për të blerë një mundësi për të negociuar çështjen e non gratës, nëse s’ka gjë tjetër pas kësaj, më duket budallëk i jashtëzakonshëm. PD, si cdo opozitë, duhet të shohë pa paguar asnjë lek, dhe është krejt falas, tek e vetmja këshillë që funksionon për fushatatat, që duhet të jesh racional, objektiv, i vërtetë. Çdo qeveri ka problemet e veta, edh ene kemi defektet tona. Mjafton që të mudn të artikulosh mirë defektet, mungesat, cedimet, fajet. Nëse je objektiv dhe nëse je racional në këtë qasje, s’ka pasur dhe s’ka për të pasur nevojë që të paguash shuma të tilla për të pas këshilltar që vijën për të bërë kush e di çfarë në një vend të vogël si Shqipëria. S’ka asnjë lloj kuptimi. O është për të bërë diçka tjetër, o këta kanë para tepër dhe janë duke i pastruar, ose nuk i kanë paratë e tyre. Ose janë miopë dhe i kanë tepër. Këto s’janë para nga buxheti i shtetit dhe buxheti për fushatën elektorale, këtu kemi të bëjmë me shpërdorim monumental të parasë dhe nuk e kuptoj se kur do nisë lobimi dhe për ca do nisë kur ne kemi edhe 10 ditë që do ikim në kutitë e votimit”, tha Gonxhja.
Kandidati për deputet i PS, Blendi Gonxhja i ftuar në Report Tv ironizon edhe kundërshtarët politikë. Sa i takon zonës që ai vetë është i deleguar, në njësinë numër 6, Gonxhja thotë se PD është thuajse inekzistente. Për Gonxhen, PD është në ditën e saj më të zezë s ai takon fushatës në terren, ndërsa me ironi komenton edhe këshilltarin amerikan Chris Lacivita për të cilin thotë se nuk e di me kë do të funksionojë kur në terren nuk kemi asgjë.
“Nuk kam asnjë informacion se kush është kundërshtari politik në zonën 6. Nuk kam idenë se kush është a këshilltari, apo kandidati për deputet. Ka tek tuk ndonjë hyrje me ndonjë lokal hedhin ndonjë fletushkë. Një ditë vjen Muli, pastaj Tabaku, thanë njëherë që ishte Paloka. S’ka asnjë lloj takimi, një ditë do vinte Saliu, e anuloi tre herë një takim me banorët e goditur nga tërmeti. Pastaj u struk në një rrugicë, mblodhi ca veta atje, një pjesë e atyre që vajtën atje, nuk janë në asnjë prej strukturave që ka PD. Pastaj ka dy PD në terren. Është një kryetar i opozitës 1 dhe një kryetar i opozitës 2. Nuk e di më kë do funksionojë shtabi i këshilltari të huaj, kur në terren nuk ke asgjë. Jemi 10 ditë drejt zgjedhjeve dhe në terren PD është në ditën e saj më të zezë”, tha Gonxhja.
Komente
