Kur duhen më pak se 80 ditë nga zgjedhjet në KQZ po ndërmerren hapa konkretë në drejtim të 25 prillit. Komisioni Qendror i Zgjedhjeve vendosi të regjistrojë sot 10 partitë e para të zgjedhjeve parlamentare të 25 prillit. Po sot, KQZ pranoi sot të autorizojë mbledhjen e firmave për dy kandidatë të pavarur.
Jozefina Topalli me partinë Lëvizja për Ndryshim, Myslim Murrizi me Partinë Lëvizja Demokratike Shqiptare dhe Astrit Patozi me partinë Bindja Demokratike janë të parat që kërkuan regjistrimin si subjekte politike.
Partitë e regjistruara:
Partia Drejtësi, Integrim dhe Unitet Shpëtim Idrizi
Bindja Demokratike Astrit Patozi
Lëvizja për Ndryshim Jozefina Topalli
Lëvizja Demokratike Shqiptare Myslym Murrizi
Ora e Shqipërisë Zef Shtjefni
Aleanca Demokratike Shqiptare Eduart Abazi
Lëvizja e Legalitetit Shpëtim Axhani
Balli Komëtar Adriatik Alimadhi
Partia Emigracioni Shqiptar Kostaq Papa
Partia e Reformave Demokratike Krenar Rryçi
Kandidatët e pavarur
Pal Shkambi I pavarur, Shkodër
Plarent Aleksi I pavarur, Berat
Partitë më të mëdha politike, PS, PD dhe LSI ende nuk janë regjistruar në Komisionin Qendror të Zgjedhjeve. Afati i fundit është deri në 14 shkurt.
Më herët partitë opozitare që dogjën mandatet, tërhoqën në KQZ autorizimin për të mbledhur 5 mijë firmat e nevojshme për tu regjistruar.
Ndonëse dy deputetët e opozitë parlamentare, Korab Lita dhe Gjetan Gjetani u vetëofruan për tu regjistruar për PD dhe LSI, kjo kërkesë nuk u mor parasysh nga opozita e bashkuar, me argumentin se nuk i njohin deputetët e rinj të Kuvendit.
Komente
Rryca e Shtjefna,?? Keta do e rregullojne Shqiperine?? Pika qe su bie..
Përgjigju