TIRANË - Gazetari Armand Plaka foli në Studio Live për zgjedhjet e zhvilluara dje në Gjermani, që panë fituese CDU dhe Friderech Merz.
Plaka vlerësoi për Arbër Hitajn pjesëmarrjen e jashtëzakonshme të qytetarëve me të drejtë vote, duke e cilësuar këtë si një ngjarje të rëndësishme, madje më të madhe që pas bashkimit gjerman. Plaku përshëndeti organizimin e procesit zgjedhor dhe numërimin e shpejtë të votave, që mori vlerësime të larta, siç u pa edhe në postimet e Elon Musk.
'Brenda zgjedhjeve kishte fenomene. E para pjesëmarrje e jashtëzakonshme, më e madhe pas bashkimit gjerman. Një dëshirë e madhe e zgjedhësve me të drejtë vote në Gjermani. Të gjithë e shfrytëzuan ditën e dielën. Procesi zgjedhor në Gjermani, shumë i lëvduar. Përveç lëvdatave për AfD, dhe asnjë urim për atë që fitoi zgjedhjet Merz dhe CDU, ashtu siç bëri Orban, në postimin e Musk thuhej lavdëroj numërimin e shpejtë të votave.'
Megjithatë, ai diskutoi edhe për rolin e partisë AfD, e cila, sipas tij, ka vijueshmëri dhe është udhëhequr nga një lider të shkathët dhe të zgjuar, Alice Weidel. Ai theksoi se, pavarësisht se AfD shpesh etikohet si një parti ekstremiste, nuk mund të quhet thjesht "naziste" dhe se është e prirur të manipulojë me populizëm dhe propagandë.
'Për shumë njerëz përfaqëson kahun e djathtë ekstrem. Shumëkush nuk stepet ta cilësojnë nazistë. Por nuk janë qartazi me pozicione të tilla ekstremiste. E cilësojnë veten anti establishment.
AfD ka vijimësi, kryesohet nga Alice Weidel. Lidere e zgjuar e shkathët. Në vijimësi të programit të saj manipulon fort me populizmin, me masat dhe propagandën. Nuk mund ta cilësojmë a priori parti naziste.'
Plaku gjithashtu komentoi mbi dështimin e koalicionit të Olaf Scholz, duke i dhënë mundësinë një fitoreje të papritur për Merz dhe CDU-në, të cilët pas një performancë solide në zgjedhje mund të formojnë një koalicion të ri.
'U desh të dështonte koalicioni i Scholz dhe ja ku jemi sot, një triumf i parashpallur i zotit Merz dhe i partisë së tij. Sondazhet e projektonin deri në 30%. Do donte të ishte 2 3 % më shumë. Dy parti si liberalët dhe një aleancë tjetër nuk kaluan murin për të hyrë në Bundestag. Tani hapet rruga që të formohet koalicioni nga dy parti.'
Komente
