Kol Gjoka një 48 vjeçar nga Mirdita që jeton në Gjermani prej vitit 1996, në zgjedhjet e fundit në Gjermani është zgjedhur këshilltar në pushtetin lokal në qytetin e Elmshom. Ai dhe më herët ka kandiduar nën logon e CDU-së por vetëm tani ka mundur të fitojë një mandat në këshillin lokal.
Qyteti ka rreth 48 mijë banorë. Kol Gjoka ka zbarkuar në Gjermani si emigrant i thjeshtë dhe më pas është marrë me sipërmarrje private.
Prej vitesh ai ka angazhim në CDU dhe lobon pozitivisht për imazhin e Shqipërisë në Gjermani.
Report Tv mëson se një tjetër shqiptare po në logon e CDU është zgjedhur këshilltare ne qytetin Lubeck po nën logon e partisë së Angela Merkel. Qyteti ka rreth 200 mije banorë.
Zgjedhja në këshillat e qyteteve është tregues i qartë i integrimit të Shqiptarëvë në Gjermani, teksa mësohet se në zgjedhjet e fundit kanë qënë 4 shqiptarë kandidatë për këshilltarë në njësitë lokale në Gjermani.