Pas më shumë se pesë muaj protestash kundër qeverisë, zgjedhjet lokale për rinovimin e këshillave në Hong Kong ishin një provë për administratën e Carrie Lam, por mbi të gjitha termometër i mbështetjes popullore për protestuesit pro-demokracisë.
Rezultatet e para tregojnë triumfin e frontit pro-demokracisë dhe mesazhin e fortë që Hong Kongu do t'i dërgojë autoriteteve të Republikës Popullore të Kinës, humbjen e shumë kandidatëve të zgjedhur nga Pekini dhe fitoren e mjaftë figurave që kanë qënë në krye të lëvizjes protestuese.
Parashikimet u japin kandidatëve pro-qeveritar vetëm 6.2% të votave ndërsa kandidatët nga rradhët e protestuesve rreth 43.4%.
Pjesëmarrja ne votime ishte mbi 71.2%, me mbi një milion e gjysmë më shumë votues sesa katër vjet më parë (47%).
Nëse deri më tani partitë pro-Pekinit kanë mbizotëruar këshillat e rretheve, votimi i djeshëm do të ketë ndikim edhe në zgjedhjet e ardhshme të kreut të qeverisë së Hong Kong-ut.
Nga 452 vendet bosh në këshillat e rretheve, 388 tani e tutje do ti takojnë përfaqësuesve pro demokracisë demokratë, të cilët kanë siguruar 57% të votave në përgjithësi.
Në një koment të parë, guvernatorja Carrie Lam, e besuara e Pekinit, deklaroi se ‘Qeveria do të respektojë rezultatin e votimit’, kurse zëdhënësi i Qeverisë kineze tha se ‘Hong Kongu është një pjesë integrale e Kinës, pavarësisht nga rezultati i zgjedhjeve’ kurse Ministri i Jashtëm kinez Wang tha se ‘ Përpjekjet për të cenuar dhe dëmtuar nivelin e prosperitetit dhe stabilitetit të Hong Kongut do dështojnë’.
Sistemi zgjedhor i ish-kolonisë Britanike parashikon që fronti që merr shumicën e votave në këshillat e rretheve dërgon 117 përfaqësues në Komitetin Zgjedhor të përbërë nga 1.200 njerëz - kryesisht të zgjedhur nga zgjedhjet e Përgjithshme, të cilët në vitin 2022 do të emërojnë drejtuesin e ri të Hong Kongut.
Komente
