TIRANË- Kryetari i KQZ, Ilirjan Celibashi ka zhvilluar ditën e sotme një takim me zv. ministren e Shëndetësisë Eugena Tomini. Në fokus të këtij takimi ishte procesi zgjedhor, i cili ndryshe nga vitet e tjera po realizohet në një vit pandemik, ku lind nevoja për zbatimin e një protokolli sigurie për të ruajtur shëndetin e qytetarëve nga COVID-19.
"Në fokus të bashkëbisedimit me Eugena Tomini, Zv/Ministre e Shëndetësisë & Anëtare e Komitetit Teknik të Ekspertëve për pandeminë, ishin implikimet që sjell situata e pandemisë & rëndësia e zbatimit të protokolleve për parandalimin e përhapjes së virusit gjatë procesit zgjedhor", shkruan Celibashi.
Postimi i kreut të KQZ-së, Ilirjan Celibashi
Më herët, Celibashi ka bërë me dije se të prekurit me COVID, të cilët aktualisht janë 32,179 persona aktiv, do të mbeten pa votuar në 25 prill, pasi nuk ka një metodë që mund t'u ofrohet.
Komente
