Aktivistja Greta Thunberg ka konsideruar republikanin Donald Trump më të rrezikshëm se Kamala Harris.
Me anë të një postimi në rrjetet sociale ajo gjithashtu kritikoi administratën Biden-Harris, për shkak të luftës në Rripin e Gazës.
Aktivistja e klimës nga Suedia tha se ishte “ndoshta e pamundur të mbivlerësohen pasojat që këto zgjedhje specifike do të kenë për botën. Nuk ka dyshim se njëri prej kandidatëve, Trump, është shumë më i rrezikshëm se tjetra”.
“Por pa marrë parasysh nëse Trump apo Harris fitojnë, SHBA-të një vend i ndërtuar mbi toka të vjedhura dhe gjenocid mbi njerëzit indigjenë, do të jetë ende një fuqi botërore imperialiste, hiper-kapitaliste, e cila në fund do të vazhdojë ta çojë botën më tej në një botë të pabarabartë raciste me një klimë gjithnjë e më të përshkallëzuar – dhe emergjencë mjedisore”, tha ajo.
Mesazhi i 21-vjeçares për Amerikën ishte se “nuk mund të kënaqesh vetëm me opsionin më pak të keq” dhe vuri në dukje krizën e vazhdueshme në Gaza, raporton News sky.
“Të mos harrojmë se gjenocidi në Palestinë po ndodh nën administratën e Biden dhe Harris”, shtoi ajo.
