Aktorja e njohur Jennifer Aniston ka njoftuar ndjekësit e saj se cilin kandidat ka votuar për zgjedhjet presidenciale në SHBA. Përmes një postimi në Instagram, ajo ka deklaruar hapur mbështetjen e saj për kandidaten demokrate Kamala Harris.
“Sot votova jo vetëm për aksesin në kujdesin shëndetësor, për lirinë riprodhuese, për të drejta të barabarta, për shkolla të sigurta dhe për një ekonomi të drejtë, por edhe për ARSYEN dhe DINJITETIN NJERËZOR.
Mos harroni, kushdo që jeni, kudo që jetoni, zëri juaj ka rëndësi. VOTA juaj ka rëndësi.
E di që nuk jemi dakord për çdo gjë, dhe kjo është bukuria e këtij vendi, por O Zot, a nuk jeni lodhur nga kjo atmosferë negative mes nesh? Nga bullizmi dhe kërcënimet e vazhdueshme tek ata që nuk mendojnë njësoj si tjetri?
Le t’i japim fund kësaj epoke frike, kaosi dhe sulmesh ndaj demokracisë sonë – dhe të votojmë për dikë që do të na bashkojë dhe nuk do të vazhdojë të kërcënojë ndarjen.
Me shumë krenari votova për Kamala Harris dhe Tim Walz, shkruan ajo në postim.
Më tek aktorja thekson se këto zgjedhje janë në duart tona.
"Jemi shumë me fat që kemi të drejtën e VOTIMIT, dhe këto zgjedhje janë në duart tona! Na ka mbetur vetëm një javë deri në ditën e zgjedhjeve, ndaj bisedoni me miqtë tuaj, familjen tuaj, fqinjët tuaj dhe le të gjejmë rrugën e kthimit tek njëri-tjetri me respekt, qëllim të përbashkët dhe DASHURI”, përfundon shkrimi.
