Zgjedhjet rajonale në Gjermani kanë surprizuar me rritjen e popullaritetit të ekstremit të djathtë, i cili pavarësisht dhe fatmirësisht, nuk ka arritur të bëhet forca e parë.
Në Brandenburg, socialdemokratët, edhe pse humbën pesë pikë, dolën të parët me 27 përqind, ndërsa Alternativa për Gjermaninë (Afd) 24 përqind.
Në Saksoni, shumica relative i takoi CDU, me 32.1 përqind, ndërsa Afd 27.5 përqind, Linke 10,4 përqind dhe Të Gjelbrit 8.6 përqind.
Michael Kretschmer i partisë së Merkel, tha se “Ky është mesazhi që vjen nga Saksonia, ku një shumicë madhe e votuesve na besuan për të bërë gjëra positive”
Me numër rekord votash, i ‘këndon’ fitores dhe e djathta ekstreme, e cila me temën e emigracionit dhe atë të mbylljes së minierave të qymyrit, ka arritur të tronditë fortesën e CDU-së.
Klima e pas zgjedhjeve është e ngjashme edhe në Brandenburg, ku përkundër rënies së socialdemokratëve, rritja e ekstremit të djathtë nuk ishte e tillë sa të bëhej forcë e parë.
Përparimi i së djathtës ekstreme në Gjermani, ka shqetësuar opinionit e gjerë publik gjerman. Ata i tremben rritjes së nacionalizmit dhe populizmit. Edhe pse vota, deri tani, i ka mbajtur ata larg pushtetit, ‘shembja e digës’ mund të ndodhë në një kohë jo të largët.
Zhvillimi i Gjermanisë së ribashkuar është shoqëruar herë pas here me kritika e pakënaqësi, kryesisht në pjesën lindore të Gjermanisë.
Shumë gjermanolindorë kritikojnë mënyrën si u bashkua vendi.
Standardi i jetesës, fuqia blerëse dhe pagat mbeten më të ulëta se në pjesën perëndimore.
Migrimi i fuqisë punëtore nga Lindja, ka lënë në stanjacion zhvillimin ekonomik.
Në Saksoni dhe Brandenburg njarëzit ndihen të shpërfillur nga qeveria qëndrore
Komente
