Deputeti demokrat Kreshnik Çollaku tha në emisionin ‘Real Story’ në Report Tv se do të dalin me kandidatë në 61 bashki të vendit për zgjedhjet vendore. Ai tha se edhe grupi i Alibeajt do të ketë kandidatët e tyre. Teksa Sali Berisha i ka prezantuar në të gjitha bashkitë, grupi i Alibeajt ka bërë publikë vetëm disa kandidatë.
Çollaku thotë se janë në proces të vlerësimit të kandidatëve dhe se kanë gati emra edhe për bashkitë e Tiranës e Shkodrës, aty ku pritet që beteja elektorale të jetë edhe më e fortë. Por, Çollaku preferoi të mos zbulojë emra konkretë.
Kemi kandidatë në proces vlerësimi, në gjitha bashkitë e vendit. Nuk ka asnjë bashki që po e projektojmë pa kandidatë sot që flasim, pa e ditur ende vendimin e gjykatës. Sigurisht ka emër për Tiranën, për Shkodrën, në Elbasan, Korçë e Shkodër. Ne po bëhemi gati të futemi në zgjedhje, kandidatë kemi”, tha Çollaku në Report Tv.
Lajmi kryesor:
Çollaku në ‘Real Story’: Nuk marrë pjesë në protesta ku sulmohet SHBA! Çupi: PD nuk del dot nga hija e Berishës
SI.E./ReportTv.al