Deklarata e kryeministrit grek Mitsotakis, për të drejtën e zgjerimit të kufirit deri në 12 milje detare në detin Jon, duke lënë dyshimin se ky vendim mund të merret edhe për zgjerimin e kufijve në detin Egje, ka nxitur reagimin e palës turke. Zëvendës presidenti turk Fuat Oktay, e ka lexuar këtë vendim si një shkak apo arsyetim për luftë me dy vendeve.
Në deklaratën e tij Oktay u shpreh se Greqia nuk mund të pretendojë seTurqia do ta pranonte këtë vendim. Zëvendës presidenti turk u shpreh se sa kohë Turqia e mban vijën e saj detare deri në 3 Milje dhe ata e kanë 6 për momentin, është e padrejtë ta zgjerosh atë në 12 milje, në të kundërt kuvendi turk ka të drejtë ti shpallë luftë Greqisë.
Deklarata e zëvendës presidentit forcohet edhe nga ajo e ministrit të jashtëm turk Mevlüt Çavuşoğlu i cili u shpreh se qëndrimi turk është shumë i qartë, ata nuk mund të zgjerojnë kufijtë detar në 12 milje në Egje. Oktay u shpreh i vendosur se Turqia nuk do të heqë dorë nga të drejtat e Turqisë, cilido qoftë çmimi.
Tensionet midis anëtarëve të NATO-s Greqisë dhe Turqisë u përshkallëzuan përsëri të shtunën pasi Ankaraja filloi stërvitjet e reja ushtarake në Mesdheun lindor. Në një mesazh për NAVTEX, sistemi ndërkombëtar i lundrimit detar, Turqia tha se do të kryente "stërvitje ushtarake" nga e shtuna deri më 11 shtator në një zonë larg qytetit jugor turk Anamur, në veri të ishullit të Qipros./ Përgatiti Suada Mehmetaj
Komente
Zoti e dhashtë mos të ketë luftë. Politikanët shpëtojnë ndërsa populli shkatërrohet. E ç'rëndësi ka se a janë grekë apo turq ?.
PërgjigjuKsaj radhe jam me turkun qe mos na marin ddetin greket
PërgjigjuRrup sup turku,hajt ishalla na ndihmon mos na marin asnje centimeter det,boll na vodhen janinen prevezen pargen
PërgjigjuNuk na e vodhën ata por ja u bëri dhuratë evropi me të drejtë moskthimi. Traktati lozanës
le te beje gangon erdogani se do ja zhysi europa mire.
Përgjigjule ta krruaj dhe Jorgo se ja zhyt mir erdogani deri ne rronz
ou pse duhet.te jene te respektushem me europen si shqiperia e?