Mbledhja e gjyqtarëve në Korcë dhe Pukë ka zgjedhur zv.kryetarët e këtyre gjykatave përkatësisht Flutura Hoxha në Pukë dhe Luljeta Kole në Korçë.
Hoxha dhe Kole do të drejtojnë Gjykatat e Pukës dhe Korçës deri në zgjedhjen e kreytarit pasi Vetting shkarkoi ish-drejtuesit Izet Kadana dhe Admir Belishtën.
Ndërsa zgjedhja e zv.kryetarit në Berat është shtyrë për ditën e hënë pasi nuk është krijuar kuorumi i gjyqtarëve për të patur një votim të rregullt.
Në Berat u shkarkua kreu i gjykatës Agron Vavla pasi nuk justifikonte pasurinë duke krijuar vakancë në këtë gjykatë.
Por si u shkarkuan tre kryetarët e gjykatave?
Tre kryetarët e gjykatave të sipërpërmendura janë djegur nga mosjustifikimi i pasurisë në Komisionin e Pavarur të Kualifikimit dhe integriteti moral i papërshtatshëm për të ushtruar detyrën e gjyqtarit.
Për më shumë detaje nga shkarkimi i tyre dhe nga mbledhja e KLGJ-së për emërimin e gjyqtarëve zëvëndësues (LEXO KËTU)
