Zgjidhjen e çështjes së kufirit detar mes Shqipërisë dhe Greqisë nga Gjykata e Hagës e ka mirëpritur dhe BE. Zëdhënësja e Komisionit Europian, përmes një postimi në Twitter shkruan se çështjet lidhur me zgjerimin e kufirit detar janë mirë të përcaktohen përmes dialogut dhe në përputhje me ligjet ndërkombëtare.
“Mirëpresim deklarimin nga qeveria e Shqipërisë dhe qeveria e Greqisë për të zgjidhur mosmarrëveshjen mbi kufiri detar. Çështjet e lidhura me përcaktimin e kufijve është mirë që të adresohen përmes dialogut, në përputhje me ligjin ndërkombëtar dhe në bazë të principeve të fqinjësisë së mirë”, shprehet Pisonero.
Vendimi për zgjidhjen e kësaj çështje u mor ditën e sotme në në takimin që zhvilloi ministri i Jashtëm grek, Nikos Dendias me kryeministrin Edi Rama në Tiranë. Gjithashtu kryeministri paralajmëroi se bisedime shumë pozitive janë duke u zhvilluar mes dy vendeve për heqjen e ligjit të shumë-debatuar të luftës që Greqia ka ndaj Shqipërisë.
