ITALI- Trupi i Ilaria Sula, studentja me origjinë shqiptare, 22 vjeç, e zhdukur që prej 25 marsit në Romë, në zonën e Furio Camillo, u gjet këtë mëngjes brenda një valixheje të mbyllur, e hedhur në një greminë përgjatë rrugës provinciale 45B, në segmentin midis Capranica dhe Guadagnolo.
Disa persona që frekuentonin zonën e pyllëzuar në Poli, në periferinë e kryeqytetit, e kanë zbuluar valixhen dhe menjëherë kanë lajmëruar policinë.
Rrëfimi i Mark Antony Samson
Ish-i dashuri Mark Antony Samson, 23 vjeç, student në universitetin "La Sapienza", me familje me origjinë nga Filipinet, por i lindur në Itali, e ka vrarë Ilaria Sula ndoshta që të njëjtën natë të zhdukjes së saj. Vrasja ndodhi në shtëpinë e familjes së tij në Via Homs, në lagjen Africano, ndërkohë që prindërit e tij ndodheshin në banesë.
Pasi e vrau, ai e fshehu trupin në një valixhe, e cila ishte shumë e vogël për të mbajtur trupin e saj të tërë, dhe më pas e transportoi 40 km larg, duke hedhur thikën në një kazan plehrash. Telefonin e viktimës e mbajti për vete, fshiu llogaritë e saj në rrjetet sociale, por iu përgjigj shkurt disa mesazheve. Në fund, pasi u zhduk edhe nga telefoni, e hodhi atë në një pusetë dhe shkoi personalisht në shtëpinë e shoqeve të saj për të shtirur sikur po e kërkonte.
Kur policia arriti tek ai pas sinjalizimit të shoqeve të dhomës së Ilarias, ai u thye dhe pranoi pothuajse gjithçka, duke thënë: "Kërkoj falje." Por përpara prokurorit dhe në prani të avokatit të tij mbrojtës, refuzoi të përgjigjej për shumë pyetje kyçe, duke u shprehur: "Për këtë nuk dua të përgjigjem."
Për të rindërtuar lëvizjet e tij, do të analizohen kamerat e sigurisë në zonë, ndërsa pozicioni i prindërve të tij është ende në vlerësim. Si familjarë të afërt të autorit të krimit, ligjërisht nuk mund të akuzohen për favorizim, por nëse do të zbulohej se kishin një rol më aktiv në fshehjen e trupit, ose edhe në vetë krimin, situata e tyre ligjore do të përkeqësohej. Në orët në vijim, ata do të dëshmohen nga hetuesit, të cilët po presin gjithashtu rezultatin e autopsisë (që do të caktohet të enjten) për të sqaruar rrethanat e vdekjes.
Në trupin e 22-vjeçares janë konstatuar disa plagë me thikë, një prej të cilave në qafë.
Vendi ku u gjet valixhja me trupin e shqiptares
E vërteta zbulohet nga analiza e të dhënave telefonike
Ilaria kishte pasur së fundmi një lidhje me Samson. Autoritetet arritën ta zbulojnë atë si autorin e vrasjes përmes analizës së tabulateve telefonike dhe antenave celulare, pasi ai kishte përdorur telefonin e saj për të postuar histori në profilin e saj në rrjetet sociale.
Prokuroria ka sqaruar se trupi i saj nuk është copëtuar, ndërsa Samson ndihmoi hetuesit për të gjetur valixhen. Telefoni i viktimës ende nuk është gjetur.
Ilaria Sula studionte në Universitetin "La Sapienza"
E reja studionte Statistikë në Universitetin "La Sapienza". Përveç familjarëve të saj, të cilët bënë thirrje për ndihmë në rrjetet sociale të martën, edhe shoqet dhe koleget e saj u mobilizuan duke publikuar shumë fotografi për ta gjetur atë.
Policia Shkencore në shtëpinë e ish-të dashurit
Hetimet morën një kthesë dramatike natën mes të martës dhe të mërkurës, kur policia mbërriti në apartamentin e Samsonit në Via Homs, në lagjen Africano, ku Policia Shkencore kreu një kontroll të imtësishëm.
I dyshuari, me të cilin viktima kishte shkëmbyer mesazhe të shumta natën e zhdukjes, më pas u shoqërua në komisariat për marrjen në pyetje.
Leon, vëllai i Ilarias: "Pse e bëri? Nuk e kuptojmë..."
Leon, vëllai më i vogël i Ilarias, është i shkatërruar dhe ka mbërritur në Romë me disa familjarë sapo është mësuar tragjedia.
"Nuk arrijmë ta kuptojmë. Pse e bëri? Vetëm ai e di."
Leon kujton bisedën e fundit me motrën e tij dy javë më parë, kur ajo kishte shkuar për t'i vizituar në Terni.
"Ishte e qetë dhe nuk më foli për ndonjë problem. Pastaj kemi komunikuar vetëm me mesazhe, por nuk jam i sigurt nëse i ka shkruar vërtet ajo."
Për Samsonin, ai thotë: "E njihja, ishin bashkë për një vit, por ishin ndarë."
Misteri i largimit të saj nga banesa
Natën e zhdukjes, Ilaria doli me nxitim nga apartamenti i saj për t'u takuar me dikë. Prindërit e saj, që jetojnë në Terni, kanë treguar se ajo nuk kishte marrë asgjë me vete, madje as sendet e saj personale apo produktet e makijazhit. Telefoni i saj vazhdoi të qëndronte aktiv për një kohë të caktuar dhe dikush madje u përgjigj ndaj disa mesazheve, por nuk është e qartë nëse ishte ajo vetë apo dikush tjetër. Më pas, çdo kontakt u ndërpre.
Dëshmitë e fqinjëve
Një fqinj, Dr. Giovanni Spanò, dentist në një klinikë pranë apartamentit të Samsonit, tha:
"Ishin një çift i afërt. Mark ishte si një kukull: i sjellshëm, i qetë, gjithmonë buzëqeshur. E pashë javën e kaluar këtu pranë klinikës sime. Ishte po aq i qetë sa gjithmonë. E njihja edhe vajzën, e kam vizituar shumë herë. E pabesueshme çfarë ka ndodhur."
Banorët e lagjes në Via Homs janë tronditur nga lajmi:
"Në atë pallat jetojnë prej vitesh familje filipinase, janë shumë të qetë dhe të integruar në lagje. Ajo që ka ndodhur është e tmerrshme."/ Corriere della Sera
Ilaria Sula
"Më tha që i vinte keq dhe madje më përqafoi"
Këtë e ka thënë në emisionin "Chi l’ha Visto?" Flamur Sula, babai i Ilaria Sula-s, studentes 22-vjeçare që u vra dhe u mbyll në një valixhe.
“Hera e fundit që kemi dëgjuar Ilarian ishte të martën dhe na tha se do të kthehej në shtëpi të shtunën – tregon ai në një intervistë që do të transmetohet sonte në orën 21:20 në Rai Tre. – Ajo jeton me shoqet në Romë, ku ndjek universitetin. Ajo ishte telefonata e fundit, pastaj kemi marrë mesazhe nga telefoni i saj. Ishte sikur të ishte vajza ime që shkruante: ‘Ciao, babi, mos u shqetëso. Jam mirë. Jam larguar me një djalë dhe një vajzë. Do të kthehem në Terni pas një muaji’”.
Më tej, Flamur Sula vazhdon: “Shkruante ‘mos u shqetëso, jam mirë’. Kjo gjë na ngriti dyshime. Nëse do të kishte qenë vërtet vajza ime, do të më kishte telefonuar. Të shtunën shkuam të bënim denoncimin për zhdukjen e saj. Më pas, të dielën, në komisariat takuam Mark Samsonin, të dashurin e vajzës sime. Nuk e dinim që ishin ndarë. Ai na tha se i vinte shumë keq, se ishte i shqetësuar për zhdukjen e saj. Duket i qetë, madje më përqafoi”.
Vëllai i viktimës: "Jemi të shkatërruar nga dhimbja"
"Prindërit e mi janë të shkatërruar për gjithçka që ka ndodhur. E dimë që është një histori e tmerrshme, që po flet e gjithë Italia për të. Por për ne është një moment shumë i vështirë. Ju lutemi të na kuptoni".
Dhimbje, zemërim dhe kërkesë për privatësi: “Ju falënderojmë për vëmendjen, por nuk mund të flasim në këtë moment”.
Leon Sula, vëllai i Ilaria-s, i përgjigjet telefonatave që kërkojnë një kujtim për të motrën. Ai, i cili jeton në Terni në shtëpinë e prindërve dhe punon në një kompani instalimesh elektrike, pasditen e sotme kishte publikuar një histori në Instagram bashkë me Ilarian.
Në foto, vëlla e motër janë të përqafuar. Mbi të, ai kishte shkruar një dedikim:
“Gjithmonë dhe përgjithmonë në zemrën time”.
Vrasja me thikë në Itali e 22-vjeçares shqiptare, Iliria Sula, nga i dashuri i saj filipinas, ka shkaktuar hidhërim dhe solidarizim të jashtzakonshëm tek shumë të rinj dhe reja, e veçanërisht te bashkëstudentët e të resë në Universitetin "La Sapienza".
Qindra prej tyre, të përlotur dhe në heshtje, protestuan pasditen e kësaj të mërkure, në oborret e universitetit Italian.
Fillimisht ata zhvilluan homazhe, duke vendosur lule poshtë fotos së 22-vjeçares së ndjerë, më pas filluan duke tundur disa çelëse në duar, si thirrje në formë simbolike drejtuar shtetit për të vënë drejtësi.
“E vërteta dhe drejtësia për Ilarian, një botë më e mirë është e mundur: le të organizohemi",- kishin shkruar studentët italianë në një çarçaf të madh.
Iliria Sula
Universiteti i Romës La Sapienza, ka shprehur ngushëllime për 22-vjeçaren shqiptare Ilaria Sula, e cila u gjet e vrarë në një zonë të pyllëzuar në Poli në Itali, pasi u vra me thikë nga i dashuri i saj Mark Samson.
Përmes një postimi në rrjetet sociale, universiteti e ka cilësuar vrasjen e saj si një krim të tmerrshëm.
‘Fatkeqësisht, Ilaria u gjet e pajetë: një krim i tmerrshëm dhe brutal që na lë pa fjalë dhe me zemra të thyera. Në këtë moment dhimbjeje, ne jemi me familjen e studentes sonë, të dashurve të saj më të afërt dhe të gjithë komunitetit studentor të Sapienzës, i cili ditët e fundit u bashkua në një kërkim të dëshpëruar për të. Më 2 prill, të mërkurën, në orën 18:30, për të kujtuar Laria Sula, kushdo mund të sjellë një lule në Ndërtesën e Statistikave’, thuhet në postimin e universitetit.
Mark Samson
Detaje të reja kanë dalë në dritë lidhur me vrasjen e 22-vjeçares shqiptare në Itali, Ilaria Sula, nga ish i dashuri i saj filipinas, Mark Samson, në banesën e tij, në Via Homs.
Sipas mediave italiane, 23-vjeçari ka pranuar se në momentin e ngjarjes, prindërit e tij ndodheshin në apartamentin dhe se ata u larguan në orët e mëngjesit. Aktualisht, nuk është e qartë nëse ata kanë qenë në dijeni të asaj që ndodhi apo nëse kanë pasur ndonjë rol në krim.
Ata do të dëshmojnë përpara hetuesve, por sipas ligjit italian nuk mund të akuzohen për ndihmë ndaj një krimineli, pasi bëhet fjalë për djalin e tyre, një familjar i shkallës së parë.
Për më tepër, Samson, pas vrasjes ka vazhduar të përdorë telefonin e Ilarias, duke fshirë llogaritë e saj në rrjetet sociale dhe duke iu përgjigjur mesazheve të miqve të saj për të shmangur dyshimet. Madje, ai shkoi në apartamentin e shoqeve të saj të dhomës, duke u shfaqur i shqetësuar për zhdukjen e saj.
Report Tv ka shkuar këtë të mërkurë në Çermë të Sipërme, në Lushnjë, ku ndodhet banesa e 22-vjeçares shqiptare të vrarë me thikë në Italisë, Ilaria Sula, dhe familjes së saj.
Ndërsa banesa e familjes Sula në Lushnjë është e mbyllur, për shkak se jetojnë dhe punojnë në Itali prej vitesh, të afërm të tyre shprehen për Report Tv se lajmin hidhur e kanë marrë vesh nëpërmjet mediave dhe ndihen të shokuar.
Këto janë pamjet nga humnera ku 23-vjeçari Mark Samson hodhi valixhen me trupin e pajetë të shqiptares Ilaria Sula në Romë. Ka qenë vetë i riu që e ka drejtuar policinë drejt vendit ku e ka hedhur trupin, në një zonë pyjore të Capranica Prenestina, një komunë në lindje të Romës.
Trupi u gjet brenda një valixhe të hedhur në buzë të rrugës provinciale që lidh Capranica Prenestina me fshatin Guadagnolo. Policia mjeko-ligjore ka kryer hetime në vendin e zbulimit për disa orë.
E reja ishte raportuar e zhdukur që prej datës 25 Mars.
23-vjeçari filipinez Mark Samson ka rrëfyer vrasjen e 22-vjeçares shqiptare Ilaria Sula në Itali. E reja u zhduk më 25 Mars, por trupi i pajetë i saj u gjet në një valixhe ditën e sotme në një zonë të Romës.
Samson ka rrëfyer se e ka vrarë shqiptaren në banesën e tij, më pas e mbylli në një valixhe për t'i fshehur trupin. Celularin ia hodhi në një pusetë, ndërsa trupin e ngarkoi në makinë dhe e hodhi në humnerë.
Motivi është se Samson nuk e pranoi dot fundin e marrëdhënies së tyre.
“E hodha telefonin e saj në një pusetë në Romë, trupin e ngarkova në makinën time dhe e çova në Poli", ka treguar i riu.
Prokuroria sqaroi se trupi nuk ishte prerë në copa dhe se Samsoni ndihmoi hetuesit të gjenin valixhen. Telefoni i së resë shqiptare ende nuk është gjetur.
Gëzime Sula, nëna e 22-vjeçares Ilaria Sula që u masakrua me thikë nga ish i dashuri filipinez në Romë, ka rrëfyer se e kishte kuptuar që mesazhet që kishte marrë nga telefoni i së bijës kur u zhduk, nuk i kishte shkruar ajo. Sipas saj, e bija ishte mësuar që të bënte video thirrje dhe të mos përdorte mesazhe të thjeshta.
"Menjëherë e kuptova se diçka nuk shkonte. Më pas fola me miqtë që jetonin me të dhe së bashku me bashkëshortin vendosëm të denoncojmë menjëherë zhdukjen e saj, falë edhe inspektorit Moreno Fernandez që më rekomandoi një mik nga Terni. E di që hetimet çuan menjëherë te djali me të cilin Ilaria kishte dalë në të kaluarën, por ne dimë pak për të”, ka thënë nëna, raporton Il Messagero.
Në shok është edhe vëllai 20-vjeçar, i cili ka treguar se motra dukej e qetë dhe se nuk i kishte treguar për asnjë problem. Për ish të dashurin që e vrau, i vëllai thotë se e njihte.
“Me Ilaria-n fola për herë të fundit dy javë më parë, sepse ajo erdhi të na vizitojë në Terni. Ajo ishte e qetë dhe nuk më tregoi për asnjë problem, pastaj vetëm mesazhe, por nuk jam e sigurt që i kishte shkruar. E njihja, ishin bashkë prej një viti, por ishin ndarë prej kohësh", ka rrëfyer 20-vjeçari.
Prej datës 25 mars nuk kishte asnjë lajm për shqiptaren Ilaria Sula, që nga momenti kur 22-vjeçarja ishte larguar nga shoqet e saj të banesës rreth orës nëntë të mbrëmjes, pa i përshëndetur. Ishte analiza e të dhënave të celularëve që rindërtoi ngjarjen e ndodhur më pas me studenten e Universitetit “La Sapienza”, viktimë e një femicidi.
Hetuesit analizuan trafikun telefonik, antenat e celularëve dhe tabulatet. Kështu zbuluan se viktima ishte larguar nga lagjja San Lorenzo, ku jetonte, për të shkuar në rrugën Homs, në lagjen Afrikano të Romës. Aty nuk ishte vetëm—me të ndodhej Mark Samson, ish-i dashuri i saj, një 23-vjeçar me origjinë filipinase.
Sipas rindërtimit të parë të ngjarjes, pikërisht aty, Samson e ka sulmuar dhe e ka vrarë Ilaria Sulën me disa goditje me thikë. Më pas, ai e futi trupin e saj në një valixhe dhe vazhdoi të përdorte celularin e viktimës, duke postuar në rrjetet e saj sociale dhe duke iu përgjigjur për orë të tëra atyre që e kërkonin.
Valixhen e hodhi më pas në një zonë të pyllëzuar, në një greminë në territorin e Poli-t, një komunë rreth 40 kilometra larg Romës. Pikërisht aty, policia gjeti trupin e vajzës, ndërsa ish-i dashuri u shoqërua fillimisht në komisariat dhe më pas në prokurori, ku përfundimisht pranoi krimin.
22-vjeçarja u zhduk më 25 mars, trupi i saj u gjet mëngjesin e sotëm brenda një valixhe në zonën e pyllëzuar të Polit, një bashki në lindje të Romës. Mësohet se apartamenti përdorej nga autori i dyshuar i vrasjes. Dyshohet se autori Mark Samson e ka goditur disa herë më thikë të renë në apartament dhe më pas trupin e saj e futi në valixhe për të fshehur dhe e hodhi në një zonë të pyllëzuar.
23-vjeçari Mark Samson, me origjinë filipineze, i arrestuar për vrasjen e 22-vjeçares shqiptare Ilaria Sula në Itali, studionte për arkitekturë dhe punonte si kamarier në McDonald's. 23-vjeçari ka pranuar vrasjen e shqiptares, duke thënë se e ka goditur disa herë me thikë, trupin e futi në një valixhe dhe e hodhi në një zonë të pyllëzuar.
Policia italiane kontrolloi mëngjesin e së mërkurën banesën e tij, ku jetonte me prindërit, një çift që jetonte prej vitesh në Itali. Nëna ishte shtëpiake, ndërsa i ati punon në një shtëpi borgjeze romake. Miqtë e familjes e përshkruajnë të riun si një djalë të mirë, dhe prindërit e tij po ashtu.
"Marku ishte një djalë shumë i mirë. Ai sapo ishte diplomuar për arkitekturë, prindërit e tij janë njerëz shumë të mirë.”, deklaroi një mik i familjes, gjithashtu filipinas.
Një tjetër thotë se nëna e tij kishte bërë një operacion në zemër disa kohë më parë.
"Nëna kishte një operacion në zemër disa kohë më parë. Nuk mund ta besoj që ka ndodhur diçka e tillë. Ndonjëherë prindërit janë në rrezik për fëmijët e tyre.", u shpreh 78-vjeçarja Maria Pia.
E reja shqiptare ishte raportuar e zhdukur që prej 25 Marsit, por ditën e sotme, trupi i saj u gjet në një valixhe në një zonë të pyllëzuar të Romës.
Një ngjarje e rëndë është zbuluar ditën e sotme, ku 22-vjeçarja shqiptare Ilaria Sula, e cila ishte raportuar e zhdukur prej 25 marsit në Romë, është gjetur e vrarë në një zonë të pyllëzuar në Poli të Italisë. Në media ka dal dhe fotoja e autorit të ngjarjes, ish i dashuri i saj Mark Samson.
Mark Samson ka pranuar vrasjen. I riu me origjinë filipinese, për të zhdukur gjurmë, vazhdoi që të përdorte celularin e studentes, duke iu përgjigjur mesazheve dhe duke postuar në rrjete sociale edhe pas vdekjes së të resë. Sula kishte dalë mbrëmjen e 25 marsit, pa u përshëndetur me shokët e dhomës dhe nuk u ishte përgjigjur mesazheve të tyre në WhatsApp.
Komente
Pse flisni kshu.....edhe n shqipri ndodhin kto gjana.ngushllime familjes
PërgjigjuKerko falje sa te duash, ska zot e perendi, ska kishe dhe xhami qe te te fale ti meriton trekembeshin ne mes te Romes o plere, mjere familja qe do ta vuaje per jete, Zoti i dhente force qe ta perballoje kete qe i ka gjetur, qofte i lehte dheu mbi engjellushken e pafajshme.
PërgjigjuKA shqiptare te mire sa te duash,,,,mos u lidhni me horrat trafikantet,,kriminelet,,,cfare ka ketu qe se kuptoni....as me te huajt mos u lidhni...c'do popull merr popullin e vet,,sepse i di huqet e zakonet....ndryshe do prfundoni ne valixhe te pista te te huajve...
Përgjigjukur lidhesh me xhihadiste keto gjera ndodhin
PërgjigjuEshte kristian ky o vemje
Ngushellime. Po mire , nuk ka ngelur me mashkull europian ne Itali qe do shkonte me filipinasin kjo? Kaq te mbaruara qenkan femrat shqiptare?
PërgjigjuCfare ja fut kot o Goni ? Cfare lidhje ka trafikanti apo horri ne kete mes kur ai djale ishte nje student dhe punonte normalisht ? Cfare lidhje ke nenshtetesia e nje personi qe thua ti mos u lidhni me te huaj , keto lloj vrasjesh kane ekzistuar ne cdo vend te botes dhe mos fol marrezira sepse nuk mund ta parashikosh se cfare ka tjetri nder mend po thuaj fati i keq i asaj vajzes se gjore dhe familjes se saj qe do te vuaj pasojat !
PërgjigjuMartohuni me gjerman Francez zvicrean ose shqiptar Kosoves ose Nordik po perfunduat me keto keni fikur veten ! Ngushellime , nuk ka si populli jot
PërgjigjuMOS u ngatarroni me te huaj,,sepse ja sesi e peson,,,kur do vini mend,,,,edhe me shqiptare duhet te kihet kujdes,,larg horrave,,kriminekeve,,-trafikanteve,,,eleneteve te botes te krimit....
Përgjigju@Goni o Goni mos u bëj injorant. Ku ka racë më të dhunshme se shqiptarët që therin dhe gruan nëmsy të fëmijës si të ishte pulë. Ça element të botës së kirmit flet? Ku jeton ti në mars apo në pluton? Sa studentë ekselentë në sjellje e në shkollë ka që kryejnë krime të tilla nga probleme psilologjike që mubd të jenë të fshehura thellë në ndërgjegjen e tyre e shfaqen papritur në këto forma??? Më mirë mos flisni fare sa nxirrni idiotësira me okë nga goja!!!