FIER- Ndërpriten kërkimet për 59-vjeçaren Manushaqe Nexhipi e cila u deklarua e zhdukur nga familjarët e saj që prej pasdites së djeshme.
Report Tv ka mësuar se mesditën e sotme në vendngjarje kanë shkuar 3 polumbarë të forcave RENEA të cilët kanë nisur kërkimet për zhdukjen e 59-vjeçares, ndërsa në darkë i ndërprenë. Gruaja u deklarua e zhdukur, por familja dyshojnë se ajo është vetëhedhur.
Sipas familjarëve, dyshohet se gruaja është vetëhedhur nga ura në lumin Vjosë që kalon në fshat. Ka qenë bashkëshorti i 59 vjeçares, ai që ka njoftuar fillimisht policinë, por nga ky njoftim ka shkuar në shtëpi vetëm inspektori i zonës.
Manushaqe Nexhipi është e paralizuar, nënë e dy fëmijëve dhe lëviz nga shtëpia vetëm me ndihmën e një karroce.
Reagime dje pati edhe nga opozita, ku deputeti i zonës Luan Baçi tha se policia nuk po vepronte për të nxjerrë trupin e gruas nga lumi.
Komente
